ކަމަދޫ ޒާރާ އާއި ސަން ސިޔާމްގެ ކާވެނި ވެގެެންދިޔައީ ހަމަ އެކަނި އަހަރުގެ ބޮޑު ކާވެންޏަކަށް ނޫނެވެ. ލޯބީގައި އެފަދަ ދެވަނައެއް ނުވާ އަސަރުގަދަ ވާހަކައަކަށް ވެސް މެއެވެ. ޒާރާގެ ހިތުގައި އޮހެމުންދިޔަ ލޯބި ބަންޑުންކޮށްލީ ފަށުވި އިބާރާތްތަކުން ގަތާލެވިފައިވާ ހިތްގައިމު ތަރާނާތަކުންނެވެ.
ޒާރާ ރަންކިއުމުގެ ޙަފުލާގައި ސިޔާމަށް ހުށަހަޅައިދިނީ ލޯބީގެ ޖަޒުބާތީ ތަރާނާއެކެވެ. ރީތި ރާގަކަށް ޒާރާގެ އަމިއްލަ އަޑުން ކިޔާފައިވާ އެ ލަވަ މިހާރު ވަނީ އާންމުންނަށް ދޫކޮށްލާފައެވެ. އެދެމީހުންގެ ލޯތްބައް ބަދަލެއް ނާދެއެވެ. އަދި ހަނީމޫނަށް ނިމުމެއް ނާދެއެވެ.
ޒާރާ އާއި ކާވެނި ބައްލަވައިގަތްފަހުން ސިޔާމު ވެސް ފެންނަނީ އުޖާލާކަމާ ޒުވާންކަމާއެކުގައެވެ. އިތުރު ހަކަތައާއި ފޯރިއާ ޖޯޝުން ފުރިފައި ހުރި ފިރިހެންވަންތަ ފިރިހެނެއްގެ ގޮތުގައެވެ. އެގޮތުން މަޖިލިސްގައި ވެސް އާދަޔާ ޚިލާފަށް ޙަރަކާތްތެރި، އޮއްޓަރު ހުރި ވާހަކަތަކާއި ބަހުސްތައް ފެންނަމުންދެއެވެ.
ހަމަ ރަނގަޅަށް ވެސް ޒާރާ އޭނާގެ ލޯބިވާ ސިޔާމްބެ މުޅިން ބަދަލުކޮށްލައިފިއެވެ.
