ގއ. ވިލިނގިލީ ޕިންކްރޯސް ޢަލީ ރަޝީދު (މަސްވެރި އަލިބެ) މަޝްހޫރުވެގެން ދިޔައީ މަސްވެރިންގެ ޙައްޤުގައި އަޑުއުފުލި ވަރުގަދަ މަސްވެރިއެއްގެ ގޮތުގައެވެ. އެގޮތުން މަސްވެރިންނަށް ދިމާވާ ދަތިތަކުގެ ވާހަކަތައް ސޯޝަލް މީޑިޔާގައި ވަރަށް ޖޯޝާ ފޯރީގައި ގެނެސްދެމުން ގެންދިޔައެވެ. ކުއްލިގޮތަކަށް އަލިބެ ގެއްލިފައި ދެންފެނުނީ އެހެން މޫނެކެވެ. އަދި މަސްވެރިއެއް ވެސް ނޫނެވެ. ދަނޑުވެރިއެއް ވެސް ނޫނެވެ. މިހާރު އެއީ ތާރު އަލިބެއެވެ.

ތާރު އަލިބެ އަކީ އެއްވެސް އިޚްލާޞްތެރިކަމެއްގައި މަސްވެރިންގެ ޙައްޤުގައި ވަކާލާތު ކުޅަ މީހެއް ކަމަކަށް މިހާރު އެއްވެސް މަސްވެރިއަކު ވެސް ޤަބޫލެއް ނުކުރެއެވެ. އެމީހުން ދެކޭގޮތުގައި މަސްވެރިންނަކީ ފައިސާއަށް ވިކޭނެ ބައެއް ނޫންކަމަށާއި، އެއީ ބުރަ މަސައްކަތް ކޮށްގެން ޢާމްދަނީ ހޯދާ ފިސާރި ކެރޭ މުރާލި ބައެއް ކަމަށެވެ. މަގު ހަދާ ކުންފުނީގެ ވަގުތީ ވަޒީފާއަކަށް އަލިބެ ވިކިގެންދިއުމަކީ މުޅި މަސްވެރި އާބާދީއަށް ވެސް ލިބިގެންދިޔަ ވަރަށް ބޮޑު ހުތުރު ނަމެއް ކަމަށެވެ. އަދި ތާރު އަލިބެގެ ކަންނެތްކަން ފާޅުވެ ހާމަވެގެންދިޔަ ކަމެއް ކަމަށެވެ.

ތާރު އަލިބެގެ މިހާރުގެ މަސައްކަތަކީ މިހާރުގެ ސަރުކާރަށް ޚުޝާމަދުކޮށް ވާހަކަދެއްކުން އެކަނި ކަމަށެވެ. އެހެން ނޫނީ ވަޒީފާ ވެސް ދެމެހެއްޓޭނެ ގޮތެއް ނެތް ކަމަށެވެ. އެހެނީ ތާރު އަލިބެ އަަކީ މަޤާމުގެ އަސާސީ ޝަރުތު ވެސް ހަމަވާ މީހެއް ނޫންކަމުގައި އެރަށުގެ ބައެއް މީހުން ބުނެއެވެ. އަލިބެއަށް މިވީގޮތުން މަސްވެރިންގެ ޙައްޤުގައި ވަކާލާތު ކުރާނެ އިތުރު މީހަކަށް މިވަނީ ބޭނުން ޖެހިފައެވެ. ޒުވާން މަސްވެރިޔާ ވެސް ވަނީ މިކަހަލަ ގޮތަކަށް ޙާލުގައި ޖެހިފައި ކަމަށް ގިނަ ބަޔަކު ތުހުމަތު ކުރެއެވެ.