މިލައުތުރު

ޕީއެންސީ ހަރުގެ ޖަލްސާގައި އެމްޕީ މަންޑޭ ވާހަކަދައްކަވަން ހުއްޓާ މައިކުން އަޑު ކަނޑާލައިފި.

ވެރިކަންކުރާ ޕީއެންސީގެ ހަރުގެ ޖަލްސާގައި އެމްޕީ މަންޑޭ ވާހަކަދައްކަވަން ހުއްޓާ މައިކުން މިރޭ އަޑު ކަނޑާލައިފިއެވެ.

މަންޑޭ ވާހަކަދައްކަވަނިކޮށް އަޑު ކަނޑާލީ ކޮންޓްރޯލް މޭޒުންކަމަށް ބެލެވެއެވެ. މަންޑޭއަށް ވެސް ހީކުރެވުނީ އެއީ ޓެކްނިކަލް މައްސަލައެއް ކަމަށެވެ. އެހެން ނަމަވެސް އެއީ ދައްކަވަމުން ގެންދެވި ވާހަކައެއްގެ ސަބަބުން ކަމަށް ބެލެވެއެވެ. މައިކުން އަޑު ކަނޑާލައި ވާހަކަ ހުއްޓުވާލިއިރު، އެމްޕީ މަންޑޭ ގެންދެވީ ކުރީ ސަރުކާރަށް ތައުރީފު ލިބޭނެ ވާހަކަތަކެއް ދައްކަވަމުންނެވެ. އެގޮތުން މަންޑޭ ވިދާޅުވީ، ”މިހާރު ރާއްޖޭގައި ނަރުދަމާ ނެތް އެންމެ ރަށެއް ވެސް ނޯންނާނެ“ ކަމަށެވެ.

މި ސަރުކާރު އައިފަހުން މިހާތަނަށް އެއްވެސް ރަށެއްގައި ނަރުދަމާއެއް އެޅިފައި ނެތް އިރު، ރާއްޖޭގެ ހުރިހާ ރަށެއްގައި ފެނާ ނަރުދަމާ ޤާއިމުވެފައި އޮތް ވާހަކަ ވެގެންދިޔައީ ކުރީ ސަރުކާރަށް ޚުޝާމަދުކޮށް ދެއްކެވުނު ވާހަކައަކަށެވެ. އެހެންކަމުން މަންޑޭ އެހާ ޖޯޝުގައި ދައްކަވަމުން ގެންދެވި ވާހަކަ ވެސް ޖެހުނީ އަޑު ކަނޑާލައިގެން ހުއްޓުވާށެވެ.

މިރޭގެ ޖަލްސާގައި ބޮޑަށް ފާހަގަކުރަމުން ގެންދިޔައީ ސަރުކާރުގެ ތެރޭގައި ކޮރަޕްޝަން ހިންގާނަމަ ރައީސް ރިއެކްޓް ކުރައްވައި، ފިޔަވަޅު އަޅުއްވައި އިސްލާހު ކުރައްވާނެ ކަމަށް ބުނާ ވާހަކަތަކެވެ.

4 Replies to “ޕީއެންސީ ހަރުގެ ޖަލްސާގައި އެމްޕީ މަންޑޭ ވާހަކަދައްކަވަން ހުއްޓާ މައިކުން އަޑު ކަނޑާލައިފި.”

  1. Ali Kattey

    ތިޔައީ މަމޮޅޭ ވެގެން އުޅޭ ރޯނުއެދުރެއް ލަދުން މަރޭ.

  2. ޒުމްރަތު

    އެއްވެސް ހަރުދަނާ ކަމެއް ނެތް ގިތެލެއް ތީ

  3. Funadhoo

    ފައްކާ ބުރާންޗެއް ދީ.

  4. 4k

    ހެޕީ ތަ

މި ލިޔުމަށް 48 ގަޑިއިރު ހަމަވެފައި