ދިވެހިރާއްޖޭގެ ފަތުރުވެރިކަމުގެ ޞިނާޢަތުގައި ޙަރަކާތްތެރިވާ އެންމެ ބޮޑު އެއް ކުންފުނި ކަމަށްވާ ޔުނިވާސަލްގެ ބާނީ އަދި ހިއްސާދާރު ކޮލިގޭ މުޙައްމަދު އުމަރު މަނިކު (އެމްޔޫ މަނިކު) މިއަދު ހެނދުނު 6:30 ގައި ސިންގަފޫރުގެ މައުންޓް އެލިޒަބަތު ހޮސްޕިޓަލުގައި ފަރުވާދެމުން ދަނިކޮށް އަވަހާރަ ވެއްޖެއެވެ. އަވަހާރަވި އިރު އެމަނިކުފާނުގެ އުމުރުފުޅަކީ 78 އަހަރެވެ.

އެމްޔޫ މަނިކު އަކީ ދައުލަތައް ގިނަ ގުނަ ޚިދުމަތްތަކެއް ކޮށްދެއްވި ބޭފުޅެކެވެ. އެގޮތުން ސަރުކާރުގެ އެކި އެކި ވުޒާރާތަކާއި، ދައުލަތުގެ ކުންފުނިތަކުގެ އިސް މަޤާމުތައް ފުރުއްވާފައި ވެއެވެ. އޭގެ ތެރެއިންވެސް އެންމެ ފާހަގަކޮށްލެވެނީ 2013 އިން ފެށިގެން މިދިޔަ އަހަރުގެ ނިޔަލަށް އަދާކުރެއްވި މޯލްޑިވްސް އެއާޕޯޓްސް ކޮމްޕެނީ ލިމިޓެޑްގެ ޗެއާމަންކަމުގެ މަޤާމެވެ. އަދި އެކުންފުނީގެ ޗެއާމަންކަމުގެ މަޤާމު ފުރުއްވި ދުވަސްވަރަކީ، ވެލާނާ އިންޓަނޭޝަނަލް އެއާޕޯޓުގެ ތަރައްޤީގެ އެންމެ ގިނަ މަޝްރޫއުތައް ހިންގެވި އަހަރުތަކުގެ ގޮތުގައި ފާހަގަކޮށްލެވެއެވެ. އެމަނިކުފާނަކީ ޢިޖުތިމާއީ ގޮތުން ޚިދުމަތްތެރި، އަދު ރާއްޖެ މިދެކޭ ޒަމާނީ ތަރައްގީ އާއި ތަހުޒީބުގެ ބޮޑު ހިއްސާދާރެކެވެ.

މާތް ﷲ މައްޔިތާގެ ފުރާނަ މަތިވެރިވެގެންވާ ޖަންނަތުލް ފިރުދައުސްގައި ލައްވާށިއެވެ. އަދި މައްޔިތާގެ އާއިލާއަށް ކެތްތެރިކަން މިންވަރު ކުރައްވާށިއެވެ. ކަށްވަޅުގައި މައްޔިތާ ބޭއްވުމަށްފަހު ވަގުތުކޮޅެއް ވަންދެން އެމައްޔިތާއަށް ސާބިތުކަން ދެއްވުމަށް އެދި ދުޢާކުރުމަށް މާތް ނަބިއްޔާ ﷺ ވަނީ އުންމަތަށް އިރުޝާދު ދެއްވާފައެވެ. آمیــــــــ