އުމުރުން 68 އަހަރު ވެފައިވާ އަޙްމަދު ނާޝިދު (އޭޑީކޭ ނާޝިދު) އާއި 20 އަހަރުގެ ހަމްދާ މުޙައްމަދުގެ ލޯބީގެ ގުޅުމަކީ ޙަޤީޤަތެއްތޯ ނޫނީ އެހެންކަމެއްތޯ ސޯޝަލް މީޑިޔާގައި މީހުން ސުވާލުކުރަން ފަށައިފިއެވެ.

ހުޅުމާލޭ އުތުރު ދާއިރާއަށް ދަ ޑިމޮކްރެޓްސްގެ ފަރާތުން ވާދަކުރައްވާ ހަމްދާ މުޙައްމަދުގެ ހުރިހާ ކެމްޕެއިން ޚަރަދެއް ކުރައްވަނީ އޭޑީކޭ ނާޝިދުކަމަށް ކުރުސީ ރިޕޯޓްކޮށްފައި ވެއެވެ. އަދި ނާޝިދު ޚަރަދުކުރައްވަނީ ހަމަ އެކަނި ކެމްޕެއިނަށް ނޫންކަމަށާއި، ހަމްދާގެ ކުލި ވެސް ދައްކައިދެނީ އޭނާގެ ލޯބިވެރިޔާ އޭޑީކޭ ނާޝިދު ކަމަށް ވެއެވެ. އަދި އެދެމީހުންގެ ލޯބީގެ ގުޅުން ސިއްރިޔާތުގައި އޮންނަތާ ވަރަށް ގިނަ ދުވަސް ވެފައި ވާކަމަށެވެ.

ސޯޝަލް މީޑިޔާގައި ފާޑުކިޔާ މީހުން ދެކޭގޮތުގައި ހަމްދާ ފަދަ ޅަޒުވާން ޒަމާނީ އަންހެން ކުއްޖަކު ނާޝިދު ފަދަ މުސްކުޅި ފުރާ އުމުރުގެ މީހަކާ ޙަޤީޤީ ލޯތްބެއް ނުވާނެއެވެ. ހަމްދާ ލޯބި އެވަނީ ފައިސާ އާއި މުދަލާކަމަށެވެ. އެހެން ނަމަވެސް ހަމްދާ ފަދަ ޒުވާން އަންހެން ކުއްޖެއް ލިބުނީތީ އޭޑީކޭ ނާޝިދު ހުންނެވީ ވަރަށް އުފަލުން ކަމަށް ވެއެވެ. އަދި ހަމްދާ ވެސް ހުރީ އުފަލުން ފޮޅިފައެވެ.

ދެމީހުންގެ ސިއްރު ލޯބި ފަޅާއެރުމުން ނާޝިދުގެ އަނބިކަނބަލުން ހަމްދާއަށް ނަޞޭޙަތްދީ އިންޒާރު ވެސް ދީފައި ވާކަމަށް ވެއެވެ. އެހެން ނަމަވެސް ދެމީހުންގެ ގުޅުމަށް އެއްވެސް ބަދަލެއް ނާދެއެެވެ. އަދި އޭޑީކޭ ނާޝިދަށް މިކަން ދޮގުކުރަން ނުކެރޭނެކަމަށް ކުރުސީ ބުނެފައި ވެއެވެ.