ހަމާސްއާ ދެކޮޅަށް ކަމަށް ބުނެ އިޒްރޭލުން ފެށި ހަނގުރާމަ ފުޅާކޮށް، ލުބުނާނަށާއި، ޔަމަނަށާއި، އީރާނަށް ފަތުރާލީ ދާދި ފަހަކުން އެމެެރިކާއިން ފޯރުކޮށްދިންް ހަތިޔާރުގެ އެހީގައި ކަމަށްވެއެވެ. ޚަބަރުތައް ބުނާގޮތުގައި އީރާނަށް އަދި މާބޮޑު ގެއްލުންތަކެއް ލިބިފައެއް ނުވެއެވެ.
އިޒްރޭލުގެ ފުރަތަމަ ޙަމަލާ އަމާޒުވެފައި ވަނީ އީރާނުގައި ފިލްމުތައް ޝޫޓުކުރާ ކޭމްޕަކަށެވެ. އެއީ ޔޫސުފްގެފާނުގެ ޙަޔާތްޕުޅުގެ މައްޗަށް ކުޅެފައިވާ ފިލްމު ޝޫޓުކުރިތަން ކަމަށް މީޑިޔާތަކުން ރިޕޯޓުކޮށްފައި ވެއެވެ. އެހެން ނަމަވެސް އެއީ ޢާންމުގޮތެއްގައި މީހުން އުޅޭތަނެއް ނޫނެވެ.
އީރާނަށް ޙަމަލާދިނުމަށް އިޒްރޭލުން ރާވާފައިވާ ރޭވުންތައް ލީކުކޮށްލީ އެމެރިކާއިން ކަމަށް ތުހުމަތު ކުރެވިފައި ވާތީ، ޙަަމަލާދިނުން މަޑުޖެހިފައި އޮތީކަމަށް ބެލެވެއެވެ. އެހެން ނަމަވެސް އީރާނު ބަލިނުކޮށް ޙިޒްބު ﷲ އާއި ހަމާސް ބަލިނުކުރެވޭނެކަން ޚުދު އެމީހުންނަށް ވެސް ޤަބޫލުކުރެވެއެވެ.
