ނިމިދިޔަ އެމްޑީޕީގެ ސަރުކާރުން ށ. ފޭދޫގައި ތަރައްޤީކުރަން ފެށި ޓާފު ދަނޑުގެ މަސައްކަތުގެ 95 އިންސައްތަ ނިމިފައި ބާކީ އޮތް 5 އިންސައްތަ މަސައްކަތް ކުރިއަށް ނުދާތީ، އެރަށުގެ ކައުންސިލް މެންބަރުން ކަންބޮޑުވުން ފާޅުކުރައްވައިފިއެވެ.
އެރަށުގެ ކައުންސިލް މެންބަރެއް ކަމަށްވާ ސުނިލް ވިދާޅުވިގޮތުގައި ރައީސް އިބްރާހީމް މުޙައްމަދު ޞާލިޙުގެ ސަރުކާރުން ތަރައްޤީކުރަން ފެށި ޓާފު ދަނޑުގައި ނުނިމި ބާކީ އޮތީ ޓާފުމައްޗަށް އަޅަންޖެހޭ ރަބަރުވެލި އެޅުން އެކަނިކަމަށާއި، އެކަން ކުރިއަށް ނުދަނީ ކީއްވެކަމެއް ނޭނގޭ ކަމަށެވެ.
ށ. ފޭދޫ އަކީ ކުޅިވަރަށް ލޯބިކުރާ އަދި ވަކިން ޚާއްސަކޮށް ފުޓްބޯޅަ އާއި ހޭންޑްބޯޅައަށް ލޯބިކުރާ ޒުވާނުންތަކެއް ދިރިއުޅޭ ރަށެކެވެ. އެމީހުންނަށް ލިބިފައި އޮތް އުންމީދީ ދަނޑުގެ މަސައްކަތް އެއްކޮށް ނުނިމި އުޅެނިކޮށް ސަރުކާރު ބަދަލުވުމާއި ގުޅިގެން މަޝްރޫޢު ވަނީ ހުއްޓިފައެވެ.
