ޒަކިއްޔާގެ މަރަށް އިންސާފު ނުލިބި ދިގުލައިގެންދާތީ ހޮޅުދޫގެ ރައްޔިތުން މިއަދު ހަވީރު އިހުތިޖާޖަށް ނުކުމެ، އަޑު އުފުލައިފި އެވެ. މި ޙަރަކާތުގައި ރަށުގެ ރައްޔަތް އެއްކޮށް ކަހަލަގޮތަކަށް ބައިވެރިވިއެވެ.
ނ. ހޮޅުދޫގައި ޒަޚަމްތަކާއެކު މަރުވެފައި އޮއްވާ ޒަކިއްޔާ މޫސާ ފެނުނުއިރު، އޭނާގެ ކަރު އޮތީ “ކަނޑާލަފައި” ކަމަށް ބުނެ އެ މައްސަލައިގެ އިންސާފު ނުލިބި 75 ދުވަސް ވުމުގެ އިތުރުން ތަޙްޤީޤު ކުރިއަށްދާ ގޮތާ ބެހޭ އެއްވެސް މަޢުލޫމާތެއް ވެސް ނުލިބޭތީ އެ ރަށުގައި ވަނީ އެކަމާ ނުރުހުން ފާޅުކޮށް މުޒާހަރާކޮށްފައެވެ.
އުމުރުން 50 އަހަރުގެ ޒަކިއްޔާ މަރުވެފައި އޮއްވައި ފެނިފައިވަނީ މިދިޔަ ސެޕްޓެމްބަރު 10 ވަނަ ދުވަހު ހެނދުނުގެ ވަގުތެއްގައެވެ. ނަމަވެސް މިހާތަނަށް އެއްވެސް ތަފުޞީލެއް ފުލުހުން ހާމަކޮށްފައެއް ނުވެއެވެ. އަދި އެ މައްސަލާގައި މިހާތަނަށް އެއްވެސް މީހަކު ހައްޔަރުކޮށްފައެެއް ވެސް ނުވެއެވެ.
