27 ވިލޭރޭ 3.441،600 މީހުން މަސްޖިދުލް ޙަރާމަށް ރޭ އަޅުކަމަށް ދިޔަ ކަމަށް ސައުދީގެ ކަމާބެހޭ އިދާރާތަކުން ހާމަކޮށްފިއެވެ. ދުނިޔޭގެ އެކި ކަންކޮޅުން އެތައް މިލިއަން މީހުން މިހާރުވެސް އުމްރާގެ މަތިވެރި އަޅުކަން ކުރުމަށް މައްކާގައި ތިބި އިރު މިއީ ރެކޯޑު އަދަދެއްކަން ފާހަގަ ކުރެވެއެވެ.

ރަމަޟާން މަހުގެ 27 ވަނަ ދުވަހުގެ ރެއަކީ ފަހު ދިހައިގެ އޮނަހިރި ރޭތަކުގެ ތެރެއިން އެއް ރެއެވެ. އަދި އޮނަހިރި ރޭތަކުގެ ތެރެއިން އެއް ރެއަކީ ބަރަކާތްތެރި ލައިލަތުލް ޤަދްރި ރޭ ކަމަށް ހަދީޘްތަކުން ސާބިތުވެއެވެ. އެ ރެއަކީ އެއްހާސް މައްސަރަށްވުރެ ހެޔޮ ވެގެންވާ ރެއެކެވެ.

ލައިލަތުލް ޤަދްރި ރެޔަކީ ކޮން ރެއެއްކަން ކީރިތި ރަސޫލާ صلى الله عليه وسلم މާތް ﷲ ބަޔާން ކޮށްދެއްވުމަށް ފަހު، އެކަލޭގެފާނު ހަނދުމަފުޅު ނެތިގެން ދިޔަ އެވެ.

ރޭގައި މައްކާގެ ހަރަމްފުޅާއި ރަސޫލާ މިސްކިތުގެ ހުރިހާ ފަންގިފިލާތަކާއި އެތަންތަނުގެ ގޯތިތެރެ އެއްކޮށް އަޅުކަންކުރާ މީހުންއިން ވަނީ ފުރިފައެވެ.

ރޭގެ ނަމާދުތައް ނިމުމަށްފަހު މާތް ދެ މިސްކިތުގެ ކަންކަން ބެލެހެއްޓުމުގެ ޖެނެރަލް އޮތޯރިޓީގެ ވެރިޔާ ޝައިޚް އަބްދުއްރަޙްމާން އަލް ސުދާޢީ އިސްކޮށް ހުންނަވައިގެން ވަނީ ހާއްސަ ދުއާއެއްވެސް ކުރައްވާފައެވެ.