ސަރުކާރުގެ ދީލަތި ޑިސްކައުންޓާއެކު ވެސް ރަމަޟާން މަހުގެ ކަރަންޓު ބިލުތައް ކުޑަނުވީ ކީއްވެތޯ ސުވާލުކުރުމެއް ނެތެވެ. ކަރަންޓު ބިލުތައް ބޮޑު ވުމަށް މެދުވެރިވާ ސަބަބުތައް ސްޓެލްކޯއިން އަބަދުވެސް ބުނެދެއެވެ.
ބައެއް ފަހަރަށް ބިލު ބޮޑު ވުން ގުޅުވާލަނީ ޖައްވުގެ ފިނިހޫނުމިނާއެވެ. އަނެއްބައި ފަހަރަށް ހަށިގަނޑުގެ ފިނިހޫނުމިނާއެވެ. ކޮންމެ ގޮތެއް ވިޔަސް ކަރަންޓް ބިލު މައްޗަށް ދަނީ ކޮންމެވެސް ހޫނެއް މައްޗަށް ދިއުމުން ކަމަށް މިހާރު މިއޮތީ ޤަބޫލުކުރާން ޖެހިފައެވެ. ޚާއްސަކޮށް މާލޭގައި ދިރިއުޅޭ މީހުންގެ ކަރަންޓު ބިލު ބޮޑުވާ އެހެން އެއްވެސް ސަބަބެއް އަދި ހޯދިފައެއް ނެތެވެ.
ރޯދަމަހަށް ސަރުކާރުން ދިން ދީލަތި ޑިސްކައުންޓާއެކު ރައްޔިތުން ތިބީ ވަަރަށް އުފަލުންނެވެ. ހަމަ ޔަޤީނުންވެސް ކަރަންޓު ބިލު ކުޑަ ވާނެތީ އެވެ. އަދި މަސްދަޅު ކޭހެއް ލިބުމުން ވެސް އަތަށް ލުއިވީފަދައިންނެވެ. އެހެން ނަމަވެސް ރޯދަ ހަދިޔާއަކަށް ބަހާފައިވަނީ ތެޔޮ މަސްދަޅަށް ވުމުގެ ސަބަބުން މީހުންގެ ހަށިގަނޑުގައި އިތުރަށް ސަރުބީ ޖެހުމުގެ ސަބަބުން ހޫނުއެރުން އިތުރު ވީތާއެވެ. ކަރަންޓު ބިލެއް ކުޑައެއް ނުވިއެވެ.
