މިލައުތުރު

އެމެރިކާއިން ފިލިޕީންސްއަށް 20 އެފް-16 ފައިޓަރ ޖެޓް ވިއްކަނީ…

އެމެރިކާއިން 5.6 ބިލިޔަން ޑޮލަރުގެ ހަތިޔާރު ފިލިޕީންސްއަށް ވިއްކުމަށް ފާސްކޮށްފިއެވެ. އޭގެ ތެރޭގައި އެފް-16 މަރުކާގެ 20 ފައިޓަރ ޖެޓް ވެސް ހިމެނެއެވެ.

އެމެރިކާގެ ޑިފެންސް ސެކްރެޓަރީ ބުނެފައިވަނީ އެއީ ޗައިނާއިން ދީފާނެ ޙަމަލާއަކަށް ރައްދު ދިނުމުގެ ޤާބިލުކަން ތަރައްޤީ ކުރުމަށްޓަކައި ވެވިފައިވާ އެއްބަސްވުމެއްގެ ދަށުން ކުރިއަށް ގެންދިއުމަށް ހަމަޖެހިފައިވާ މުޢާމަލާތެއް ކަމަށެވެ.

ޗައިނާ އާއި ފިލިޕީންސްގެ ގުޅުން ވަރަށް ބޮޑަށް ގޯސްވެފައިވާ ދަނޑިވަޅެއްގައި މިކަމުގެ ސަބަބުން ދެ ޤައުމުގެ ގުޅުން އިތުރަށް ގޯސްވެގެންދާނެ ކަމަށް ބެލެވެއެވެ.

ދެ ޤައުމުން ހިއްސާކުރާ ކަނޑުގެ ސަރަހައްދަށް މިހާރު ވެސް ޗައިނާގެ އަސްކަރީ މަނަވަރުތައް ޖަމާވަމުންދާކަމަށް މީޑިޔާތަކުގައި ރިފޯޓުކޮށްފައި ވެއެވެ.

މި ލިޔުމާއި މެދު ދެކެނީ ކިހިނެއް؟