އެންމެ ފުރަތަމަ ރަޝިޔާއިން އުފެއްދި ޒަމާނީ މިލިޓަރީ ޓެކްނޮލޮޖީއެއް ކަމަށްވާ ޔެކް-130 ފައިޓަރ ޖެޓް އުފެއްދުމަށް ފަހު، ޓެސްޓްކޮށް، ބޭނުންކުރަން ތައްޔާރުވެއްޖެއެވެ.

އީރާނު އޮތީ މިހާރުން މިހާރަށް ވެސް ފޯޅަވައްސަށް ޙަމަލާ ދެވޭ ވަރަށް ތައްޔާރުވެފައި ކަމަށާއި، އެމެރިކާއިން ޙަމަލާއެއް ދީފިނަމަ ރައްދުގައި މިލިޓަރީ ބޭސް އެއްކޮށް ނައްތާލާނެ ކަމުގެ އިންޒާރު އީރާނުުގެ ރިވޮލިއުޝަނަރީ ގާޑުގެ ކޮމަންޑަރު ދީފިއެވެ.

މީގެ ދުވަސްކޮޅެއް ކުރިން އީރާނުގެ ބިމުއަޑީގައި ހަދާފައިވާ މިސައިލް ސިޓީއެއް ވެސް ވަނީ ދައްކާލާފައެވެ. މިފަހަރު މިދައްކާލީ ވަރަށް ޒަމާނީ ފައިޓަރ ޖެޓެކެވެ. އޭގައި އާރު-70 މަރުކާގެ މިސައިލް އުފުލޭނެއެވެ. އެހެން ކަމުން ދުރުރާސްތާ މިސައިލް ނުރޯރާ ހިސާބުތަކަށް އެމީހުންގެ އަމިއްލަ ފައިޓަރ ޖެޓުތަކުގައި ދަތުރުކޮށް ޙަމަލާދެވޭނެއެވެ.

ބައެއް ތަޖުރިބާކާރުން ލަފާކުރާ ގޮތުގައި 3 ވަނަ ބޮޑު ހަނގުރާމައެއް ފެށިދާނެއެވެ. އީރާނު އޮތީ އެކަނި ނޫންކަން މުޅި ދުނިޔެއަށް ވެސް އެނގޭ ކަަމަށާއި، ޤައުމުތައް ބައި ބަޔަށް ބެހި، ހަނގުރާމަ ފުޅާވެގެންދިއުމަކީ ގާތްކަމެއް ކަމަށެވެ.