ނިމިދިޔާ ރިޔާސީ އިންތިޚާބުގެ ކެމްޕެއިންގައި އެންމެ ހަރުއަޑުން ގޮވި އެއްޗަކީ އިންޑިޔާ އައުޓްކަން ޔަޤީނެވެ. އަދި އެއީ ވަރަށް ގިނަ ބަޔަކު ޤައުމިއްޔަތުގެ ޖަޒްބާތުގައި ޖެއްސި ގޮވެލިފަށްޗެކެވެ. އެހެނީ ދިވެހިރާއްޖޭގައި އެހެން އެއްވެސް ޤައުމެއްގެ ސިފައިން ތިބުމަކީ ދިވެހީން ރުހޭކަމެއް ނޫނެވެ. އަދި އަމުދުން އިންޑިޔާ ފަދަ މުޅި ދުނިޔޭގައި ހަންފަތުރަން މަސައްކަތްކުރާ ޤައުމެއްގެ ސިފައިން ތިބުމަކީ އަމުދުން ރުހޭކަމެއް ނޫނެވެ. އެހެންކަމުން ޑރ. މުޢިއްޒު ވެސް ކެމްޕެއިންގައި އެންމެ ބޮޑު ޔަޤީންކަމެއް ދެއްވި އެއްކަމަކީ އިންޑިޔާ ސިފައިން ރާއްޖެ އިން ފޮނުވާލާނެ ކަމުގެ ޔަޤީންކަމެވެ. އަދި ރިޔާސީ އިންތިޚާބު ކާމިޔާބު ވެވަޑައިގެން އުފާ ފައުޅުކުރެއްވުމަށް ބޭއްވެވި ޖަލްސާގައި ވެސް ވަނީ ތަކުރާރުކުރައްވާ އެކަމުގެ ޔަޤީންކަން ދެއްވާފައެވެ.
މިހާރު ރާގު ބަދަލުވެ، ކީހާ ޅެން ފަރިއްސަށް ބަދަލުވެއްޖެއެވެ. އަދި އިންޑިޔާގެ ގުޅުން ދެމެހެއްޓުމަކީ ކޮންމެހެން ވެސް ކުރައްވަން ޖެހޭކަމެއްގެ ގޮތުގައި އިންތިޚާބީ ރައީސް ސިފަކުރައްވަން ފަށްޓަވައިފިއެވެ. އެހެންކަމުން އިންޑިޔާ ސިފައިން ފޮނުވާލުމަކީ މިހާރު ކުރެވިދާނެކަމެއްގެ ގޮތުގައި ނުބެލެވެއެވެ. އައު ސަރުކާރުން ވެސް އެކަން ދަމަހައްޓަވާނެ ކަމަށް ބެލެވެން ފަށައިފިއެވެ. އެގޮތުން އަލަށް އިންތިޚާބުވި ރައީސް ހުވާކުރެއްވުމުގެ ދަރުބާރުގައި ބައިވެރިވެ ވަޑައިގަތުމަށް އިންޑިޔާގެ ބޮޑުވަޒީރު ނަރެންދުރަ މޯދީއަށް ވަނީ ދަޢުވަތު މިއީ ހަމަ ޔަޤީނުން ވެސް ވަޢުދާ ޚިލާފުވުން ނޫންކަމަށް ނުވާނެއެވެ.
