މިއަދު ހަވީރު ކުޅެވުނު ގުރޫޕް ބީ ގެ ހަތަރު ވަނަ މެޗުގައި ޅައިމަގު ޓީމުން 2-0 ގެ ނަތީޖާ އަކުން ކޮމަންޑޫ ބަލިކޮށްފި އެވެ. ޅައިމަގު ޓީމުގެ ފަރާތުން މޮޅުކުޅުމެއް ފެނިގެންދިޔަ މެޗުގެ ފުރަތަމަ ލަނޑު ކާމިޔާބު ކޮށްދިނީ އެ ޓީމުގެ ޖާޒީ ނަންބަރ 21 މުޙައްމަދު ރިޝްފާނެވެ. ފުރަތަމަ ހާފު ނިމިގެން ދިޔައީ 1 – 0 ގެ ނަތީޖާއިން ޅައިމަގު ކުރީގައި އޮވެގެންނެވެ.

ދެވަނަ ހާފު ފެށިގެން 9 ވަނަ މިނެޓް ގައި ޅައިމަގު ޓީމުގެ ލީޑު ފުޅާކޮށް ދިނީ ޖާޒީ ނަންބަރ 5 ޢަބްދުލްކަރީމް އަޙްމަދެވެ. އޭނާ މިލަނޑު ކާމިޔާބު ކުރީ ހާފުގެ މެދެއްހާ ހިސާބުގައި ހުރެފައި ފޮނުވާލި ބާރު ބޯޅަ އަކުންނެވެ.

މި މެޗުގެ މޮޅު ކުޅުންތެރިޔަކަށް ހޮވުނީ މެޗުގައި މޮޅު ކުޅުމެއް ދެއްކި ޅައިމަގު ޓީމުގެ ޖާޒީ ނަންބަރ 5 ޢަބްދުލްކަރީމް އަޙްމަދެވެ. ޅައިމަގު ޓީމުން މި މުބާރާތުގައި ކުޅޭ ތިންވަނަ މެޗު އޮންނާނީ 22 ނޮވެމްބަރ 2023 ވާ އަންގާރަ ދުވަހުގެ ރޭގަނޑު 20:15 ގައެވެ.