ހަވާއެރުވުމުގެ އިތުރުން ތަފާތު އައިޓަމްތައް ހިމެނޭ ކުލަގަދަ ރަސްމިއްޔާތަކާއެކު މިލަންދޫ ކައުންސިލް ކަޕް 2025 މިރޭ ފަށައިފިއެވެ.
މިރޭ އޮތް ހުޅުވުމުގެ ރަސްމިއްޔާތުގައި ތަފާތު އައިޓަމްތައް ހުށަހެޅުމުގެ އިތުރުން ހަވާއެރުވުން އޮތީތީ އަތޮޅުގެ އެހެން ރަށް ރަށުން ގިނަ އަދަދެއްގެ މީހުން މިލަންދޫއަށް ޒިޔާރަތް ކުރިއެވެ.
ޖުމްލަ 7 ޓީމް ވާދަކުރާ ފުޓްސަލް މުބާރާތުގައި ރާއްޖޭގެ ނަން މަޝްހޫރު ހުރިހާ ފުޓްސަލް ތަރިންކަހަލަ ގޮތަކަށް ބައިވެރިވާ ކަމަށް މަޢުލޫމާތު ލިބެއެވެ.
މިއީ މިލަންދޫ ކައުންސިލުން އިންތިޒާމުކުރާ އަދި އެކައުންސިލުން ޚަރަދުކޮށްގެން ކޮންމެ އަހަރަކު ވެސް ބާއްވަމުން ގެންދާ ފުޓްސަލް މުބާރާތެކެވެ.
ކުލަގަދަ ހުޅުވުމުގެ ރަސްމިއްޔާތަށް ފަހު، މިރޭ ވެސް ތިން މެޗުގެ ކުޅުން ކުރިއަށް ގެންގޮސްފައިވާ ކަމަށް އިންތިޒާމުކުރާ ފަރާތުން މަޢުލޫމާތު ދެއެވެ.