ނިމިދިޔަ ލޯކަލް ކައުންސިލް އިންތިޚާބުގައި ވޯޓު ގަތުމަށް ރިޝްވަތުގެ ފައިސާ ބެހި ކަމުގެ ތުހުމަތު ކުޅުދުއްފުށީ ރީޖަނަލް ހޮސްޕިޓަލުގެ ސީއީއޯ ނާޒިމާ އަލީއަށް ކޮށްފިއެވެ.
ސޯޝަލް މީޑިއާގައި ދައުރުވާ ސްކްރީންޝޮޓްތަކުގައި ނުސީދާގޮތެއްގައި އެފަދަ މުއާމަލާތްތަކަކާ ގުޅޭ ވާހަކަތަކެއް ދައްކާފައި ހުރިތަން ފެނެއެވެ. އަދި އެވާހަކަތަކާ ގުޅިގެން ޚުުދު ނާޒިމާ ވާހަކަދައްކަވާފައިވުމީ އެ މެސެޖުތަކުގެ ސައްޙަކަން ކަށަވަރު ކޮށްދޭ ކަމެކެވެ. އެހެން ނަމަވެސް، ނާޒިމާގެ ފޭސްބުކްގައި ވިދާޅުވެފައިވަނީ އެ ވާހަކަ ދައްކާ މީހުން މުއާމަލާތްތަކުގެ ތަފުސީލު ކޯޓަށް ގޮސް ހާމަކޮށްދޭން ޖެހޭނެ ކަމަށާއި، މިއީ ސިޔާސީ ކަމަކަށް ވުރެ ސީރިއަސް މައްސަލައެއް ކަމަށެވެ.
ފޭސްބުކްގައި ބައެއް މީހުން ތުހުމަތު ކޮށްފައިވާ ގޮތުގައި ނާޒިމާ ވަނީ ހޮސްޕިޓަލުގެ އޯޕީޑީގައި ވޯޓު ގަންނަން ފައިސާ ބެހި ވެރިބަޔަކު މިނޫނީ ނެތްކަމަށެވެ. އަދި ހޮސްޕިޓަލުގެ އޯޕީޑީގައި އެދުވަހު ބަލިމީހުން ނުބަލަނީތޯ ވެސް މީހަކު ސުވާލުކޮށްފައި ވެއެވެ. އެހެން ނަމަވެސް ނާޒިމާ ވަނީ އެވާހަކަތައް ދޮގުކުރައްވާފައެވެ.
ކިޔުންތެރިންގެ ހިޔާލު