މިހާރު ކުރިއަށްދާ އެމްޑީޕީ ކޮންގްރެސްގެ ހަވާސާގައި ކުރިއަށް ގެންދިޔަ އިންވެސްޓްމަންޓް ފޯރަމުގައި ވަރަށް ސަޅި ކަމެއް ތައާރަފު ކޮށްފި އެވެ.
އިންވެސްޓްމަންޓް ފޯރަމުގައި ތައާރަފުކުރި ކަމަކީ ޖައްވަށް ދޫވެފައިހުރި ކާބަން ނަގައި، ގުދުރަތީ ގޮތުން އެ ރައްކާކޮށްފި ނަމަ ލިބޭ ކާބަން ކްރެޑިޓް ކަނޑައަޅައި، ޕެރިސް އެގްރިމެންޓްގައިވާ އުޞޫލުން ޑޮލަރު ލިބޭނެ ފުރުޞަތު ހޯދުމެވެ. މިހާރުގެ އަގަަށް ބަލާއިރު، އައިއެމްއެފުން ކަނޑައަޅާފައިވާ ގޮތުން ކާބަން ޓަނެއްގެ އަގަކީ 85 ޑޮލަރެވެ.
މި މަޝްރޫޢު ޓެސްޓުކުރުމުގެ ގޮތުން ބްލޫ ކާބަން މަޝްރޫޢު ހިންގަން ހދ. ވައިކަރަދޫ އާއި، ށ. ކަނޑިތީމު އަދި ފުވައްމުލައް ވަނީ ކަނޑައަޅާފައެވެ. މިފަދަ މަޝްރޫއުތަކަށް އިންވެސްޓަރުން ހޯދަން އެމްޑީޕީން ކުރިއަށް ގެންދިޔަ “ރަށްވެހި ތަރައްގީ” ފޯރަމްގައި ވަނީ ހުޅުވާލާފައެވެ.
އަދި ބައެއް މަޝްރޫޢުތަކަށް އިންވެސްޓަރުން ވަނީ ލިބިފައިކަމަށް މަޢުލޫމާތު ލިބެއެވެ.
ކިޔުންތެރިންގެ ހިޔާލު