މިރޭ ކުޅެވިގެންދިޔަ މިލައުތުރު ފުޓްސަލް މުބާރާތުގެ ގުރޫޕް އޭ ގެ ހަވަނަ މެޗް ގައި ފޭދޫ އަދި ފީވަށް ބައްދަލުކޮށް 1-1 ގެ ނަތީޖާ އަކުން ދެ ޓީމު އެއްވަރުގެން މެޗް ނިމިއްޖެ. ފޭދޫ އާއި ފީވަށް ބައްދަލު ކުރި މި މެޗް ކުޅެފައިވަނީ ގޮއިދޫ ފުޓްސަލް ދަނޑުގައެވެ. މެޗް ގެ ފުރަތަމަ ހާފުގެ ކުޅުން ނިމިގެން ދިޔަ އިރު ދެ ޓީމުން ކުރެ ޓީމަކަށް ލަނޑެއް ޖެހިފައި ނުވައި ކަން ވެސް ފާހަގަ ކޮށްލެވެއެވެ.

ފޯރިގަދަ ކުޅުމެއް ފެނިގެން ދިޔަ މި މެޗް ގެ ފުރަތަމަ ލަނޑު ޖަހާފައިވަނީ ފީވަކު ޓީމުންނެވެ. ފީވަކު ޓީމަށް މި ލަނޑު ކާމިޔާބު ކޮށްދީފައި ވަނީ އެ ޓީމުގެ ޖާޒީ ނަންބަރު 11 ޢަލީ އެވެ. ފުރަތަމަ ލަނޑު ފީވަކު ޓީމުން ކާމިޔާބު ކުރިތާ މާ ގިނަ އިރު ތަކެށް ނުވަނީސް ފޭދޫ ޓީމުން ވަނީ ފަހަތުން އަރައި މެޗްގެ ނަތީޖާ ހަމަހަމަ ކޮށްފައެވެ. ނަތީޖާ ހަމަހަމަ ކޮށްދިން ލަނޑު ފޭދޫ ޓީމަށް ކާމިޔާބު ކޮށްދީފައި ވަނީ އެ ޓީމުގެ ޖާޒީ ނަންބަރު 7 މާއިން އެވެ. މާއިން އަކީ މިދިޔަ އަހަރު ބޭއްވުނު މިލައުތުރު ފުޓްސަލް ފިއެސްޓާގެ އެންމެ ޕްރޮމިސިންގް ކުޅުންތެރިޔާގެ މާގާމު ހޯދައިފާވާ ޒުވާން ހުނަރުވެރި ކުޅުންތެރިއެއްކަން ފާހަގަ ކޮށްލެވެއެވެ. އަދި މިރޭގެ މެޗް ގައި ދެ ރީނދޫ ކާޑު ދައްކައިފާވައި އިރު، ކާޑު ދައްކައިފައިވަނީ ދެ ޓީމަށް ވެސް ލަނޑު ޖަހައިދިން ދެ ކުޅުންތެރިންނަށެވެ.

ފޭދޫ އަދި ފީވަށް ބައްދަލު ކުރި މި މެޗްގެ މޮޅު ކުޅުންތެރިޔާގެ މަގާމު ލިބިފައިވަނީ ފޭދޫ ޓީމުގެ ޖާޒީ ނަންބަރު 21 އިސަމާއިލް ފަޒީނަށެވެ. މޮޅު ކުޅުންތެރިޔާގެ ހަނދާނި ފިލާ ހަވާލު ކޮށްދީފައިވަނީ ދިވެހި ތާރީޙް ގައި އުފެދުނު އެންމެ މޮޅު ފުޓްބޯޅަ ކުޅުންތެރިޔާ އަދި ފުޓްބޯޅަ ލެޖެންޑް ޢަލީ އަޝްފާގެވެ.