މިލައުތުރު ފުޓްސަލް މުބާރާތް 2023 ގުރޫޕް ބީ ގައި މިދިޔަ އަހަރު ގެ ޗެންޕިއަން ފުނަދޫ އާއި މިލަންދޫ ބައްދަލު ކުރި މެޗު 2-0 ގެ ނަތީޖާ އަކުން މިލަންދޫ ކާމިޔާބު ކޮށްފިއެވެ.
މެޗު ކޮންޓްރޯލް ކޮށްގެން ގިނަވަގުތު ކުޅުނީ މިލަންދޫ ޓީމުން ނެވެ. ފުރަތަމަ ހާފުގެ 15 ވަނަ މިނެޓުގައި މިލަންދޫ ޓީމުގެ ފުރަތަމަ ލަނޑު ކާމިޔާބު ކޮށްދިނީ އެ ޓީމުގެ ކެޕްޓަން ޢަލީ އީނާސް އެވެ. ދޭތެރެ ދޭތެރެއިން ފުނަދޫ ޓީމުންވެސް މިލަންދޫގެ ގޯލަށް ނުރައްކާ ކުރަމުން ގޮސްފައި ވެއެވެ.
ދެވަނަ ހާފު ފެށިގެން 4 ވަނަ މިނެޓުގައި މިލަންދޫ ޓީމުގެ ކެޕްޓަން އިތުރު ލަނޑެއް ޖަހައި ލީޑު އިތުރަށް ފުޅާކޮށްދިނެވެ. މިމެޗުން މޮޅުވުމާއި އެކު ކުޅުނު ދެ މެޗުވެސް ކާމިޔާބުކޮށް ގުރޫޕް ބީ ގެ އެއްވަނައިގައި އޮތީ މިލަންދޫ ޓީމެވެ.
މި މެޗުގެ މޮޅު ކުޅުންތެރިޔަކަށް ހޮވުނީ މި މެޗުގައި ދެ ލަނޑު ކާމިޔާބު ކޮށްދިން މިލަންދޫ ޓީމުގެ ކެޕްޓަން ޓީމުގެ ޖާޒީ ނަންބަރ 9 ޢަލީ އީނާސް އެވެ.
