މިއަދު ހިވީރު ކުޅެވިގެން ދިޔަ ގުރޫޕް އޭ ގެ ހަތް ވަނަ މެޗް ދެ ޓީމު އެއްވަރުގެން ނިމިއްޖެއެވެ. މި މެޗް ގައި ބައްދަލު ކޮށްފައިވަނީ ގޮއިދޫ ޓީމާއި ފޯކައިދޫ ޓީމެވެ. މި މެޗަކީ މިލައަުތުރު ފުޓަސަލް މުބާރާތުގެ ގްރޫޕް ސްޓޭޖް ގައި މި ދެ ޓީމުންވެސް ކުޅޭ ދެވަނަ މެޗްކަން ފާހަގަ ކޮށްލެވެއެވެ. މިއަދު ކުޅެވިގެން ދިޔަ މެޗް ކުޅެފަިވަނީ ގޮއިދޫ ޓީމުގެ އަމިއްލަ ދަނޑުގައި ގިނަ އަދަދެއްގެ ސަޕޯޓަރުންގެ ކުރިމަތީގައެވެ.
ފޯރި ގަދަ ކުޅުމެއް ފެނިގެނ ދިޔަ މި މެޗްގައި ދެ ޓީމަށް ވެސް ވަނީ ލަނޑު ޖަހާނެ ފުރުސަތު ތަކެއް ލިބިފައެވެ. ގޮއިދޫ ޓީމުން އެ ޓީމުގެ ފުރަތަމަ ލަނޑު މެޗް ފެށިގެން މާ ގިނަ އިރު ތަކެއް ނުވަނިސް ކާމިޔާބު ކޮށްފައި ވަނިކޮށް ފަހަތުން އަރާ ފޯކައިދޫ ނަތީޖާ ހަމަހަމަ ކޮށްފައި ވަނީ ފުރަތަމަ ހާފު ނިމެން 4 މިނެޓަށް ވެފައި ވަނިކޮށެވެ. ގޮއިދޫ ޓީމަށް އެ ޓީމު ލަނޑު ކާމިޔާބު ކޮށްދީފައި ވަނީ ޓީމުގެ ކެޕްޓަން، ޖާޒީ ނަންބަރު 19 ޢަލީ އަހުސަމް އެވެ. އަދި ފޯކައިދޫ ޓީމުގެ ލަނޑު ކާމިޔާބު ކޮށްދީފައިވަނީ އެ ޓީމުގެ ޖާޒީ ނަންބަރު 27 ހަމްދޫން ރަޝީދު ފޮނުވާލި ބޯޅައެއް ގޮއިދޫ ޓީމުގެ ކެޕްޓަންގެ ފައިގައި ޖެހި ގޯލައިގެ ތެރެއަށް ވަދެގެނެވެ. މި މެޗް ގެ މޭން އޮފް ދަ މެޗް ކަން ލިބިައިފަނީ ގޮއިދޫ ޓީމުގެ ޖާޒީ ނަންބަރު 17 ޢަލީ އިބްރާޙިމް އަށެވެ.
މި މުބާރާތުގެ ގުރޫޕް އޭ ގެ މެޗް ތައް ގޮއިދޫ ގައި ކުޅެން ހަމަ ޖެހިފައި ވާއިރު ގުރޫޕް ބީ ގެ މެޗް ތައް ކުޅެމުން ދަނީ މާއުނގޫދޫގައެވެ. ގުރޫޕް އޭ ގައި އަދި މިއަދު އިތުރު ދެ މެޗް ކުޅެން ހަމަ ޖެހިފައިވާ އިރި މި ދެ މެޗްގެ ތެެރެއިން ހަވީރު ކުޅޭ މެޗްގައި ނޫމަރާ އަދި ފީވަށް ބައްދަލު ކުރާ އިރު މިރޭ ކުޅޭ މެޗްގައި ބައްދަލު ކުރާނީ ކަނޑިތީމު އަދި ފޭދޫ އެވެ.
