މިދިޔަ އަހަރުގެ ރަނަރަޕް ނަރުދޫ އާއި މާއުނގޫދޫ ބައްދަލު ކުރި މެޗުން ނަރުދޫ މޮޅުވީ 1 – 0 ގެ ހަނި ނަތީޖާ އަކުންނެވެ.

މިއަދު ހަވީރު ކުޅުނު ފޯރިގަދަ މެޗުގައި ނަރުދޫ ޓީމުން އުފެއްދި ގިނަ ހަމަލާތަކުގެ ހުރަހަކަށްވީ މާއުނގޫދޫ ޓީމުގެ ގޯލްކީޕަރެވެ. މި މެޗުގައި ފެނުނު ހަމައެކަނި ލަނޑު ފުރަތަމަ ހާފުގެ 12 ވަނަ މިނެޓުގައި ކާމިޔާބު ކޮށްދިނީ ނަރުދޫ ޓީމުގެ ޖާޒީ ނަންބަރ 30 މުޙައްމަދު އަޒުމޫން އެވެ.

ދެވަނަ ހާފު ގައިވެސް ފޯރިގަދަ ކުޅުމެއް ފެނިގެންދިޔަ މެޗުގައި ދެޓީމަށްވެސް ލަނޑުޖަހާނެ ރަނގަޅު ފުރުސަތުތަކެއް ލިބި ވަނީ ބޭނުން ނުހިފިފައެވެ. މިނަތީޖާއާއި އެކު ނަރުދޫއިން ވަނީ ކުޅުނު ދެ މެޗުވެސް ކާމިޔާބުކޮށްފައެވެ.

މި މެޗުގެ މޮޅު ކުޅުންތެރިޔަކަށް ހޮވުނީ މި މެޗުގެ ހަމައެކަނި ލަނޑު ކާމިޔާބު ކޮށްދިން ނަރުދޫ ޓީމުގެ ޖާޒީ ނަންބަރ 30 މުޙައްމަދު އަޒުމޫން އެވެ. މިމެޗުން މޮޅުވި ނަރުދޫ ޓީމުން މާދަމާ ނުކުންނާނީ ޅައިމަގު ޓީމާއި ދެކޮޅަށެވެ. މިމެޗުން ބަލިވި މާއުނގޫދޫ ޓީމުން މާދަމާ ރޭ ނުކުންނާނީ މިލަންދޫ ޓީމާއި ދެކޮޅަށެވެ.