މިއަދު ހަވީރު ކުޅުނު ދެވަނަ މެޗުގައި ކޮމަންޑޫގެ މައްޗަށް 4-0 ގެ ނަތީޖާއަކުން ކާމިޔާބުކޮށް ކުއާރޓާފައިނަލާއި ފިޔަވަޅަކަށް ގާތަށް ޖެހިލައިފި
މުޅި މެޗު ކޮންޓްރޯލް ކޮށްގެން މިލަންދޫ ޓީމުން ކުޅުނުއިރު މެޗުގެ ފުރަތަމަ ހާފުގައި މިލަންދޫ ޓީމުން ދެލަނޑު ކާމިޔާބު ކުރިއެވެ. މި ލަނޑުތައް އެ ޓީމަށް ޖަހައިދިނީ ޢަލީ އީނާސް އާއި މެޗުގައި މޮޅުކުޅުމެއް ދެއްކި އިބްރާހިމް ޒާހީއެވެ.
ދެވަނަ ހާފުގައި މިލަންދޫ ޓީމުގެ ފަރާތުން އިތުރު ލަނޑުތަކެއް ވަނީ ފެނިގެން ގޮސްފައެވެ. މި ލަނޑުތައް އެ ޓީމަށް ކާމިޔާބު ކޮށްދިނީ ޢަލީ ސަމޫހުއާއި އިބްރާހިމް ޒާހީއެވެ.
މި މެޗުގެ މޮޅު ކުޅުންތެރިޔަކަށް ހޮވުނީ މިލަންދޫ ޓީމުގެ ޢަލީ އީނާސް އެވެ. މިލަންދޫ އިން މާދަމާ ރޭ ނުކުންނާނީ ގުރޫޕް ބީ ގެ މެޗުތައް ބާއްވާ މާއުނގޫދޫ އާއި ދެކޮޅަށެވެ.
