މިއަދު ހިވީރު ކުޅެވިގެން ދިޔަ ގުރޫޕް އޭ ގެ ސަތާރަ ވަނަ މެޗް ފޯކައިދޫ މޮޅު ވެގެން ނިމިއްޖެއެވެ. މި މެޗް ގައި ބައްދަލު ކޮށްފައިވަނީ ފޭދޫ ޓީމާއި ފޯކައިދޫ ޓީމެވެ. މި މެޗް ފޯކައިދޫ އިން ކާމިޔާބު ކޮށްފައވަނީ 1-3 ގެ ނަތީޖާ އަކުންނެވެ.

ފޯރި ގަދަ ކުޅުމެއް ފެނިގެނ ދިޔަ މި މެޗްގައި ދެ ޓީމަށް ވެސް ވަނީ ލަނޑު ޖަހާނެ ފުރުސަތު ތަކެއް ލިބިފައެވެ. ފޭދޫ ޓީމުން އެ ޓީމުގެ ހަމަ އެކަނި ލަނޑު ޖަހައިދީފައި ވަނީ ޓީމުގެ ޖާޒީ ނަންބަރު 10 މާއިލް މުޙައްމަދެވެ އެވެ. އަދި ފޯކައިދޫ ޓީމުގެ ލަނޑު ކާމިޔާބު ކޮށްދީފައިވަނީ އެ ޓީމުގެ ޖާޒީ ނަންބަރު 7 މުޙައްމަދު ރިޝްވާން، ޖާޒީ ނަންބަރު 5 ހުސެއިން ފަޒީލް އަދި ޖާޒީ ނަންބަރު 10 އިބްރާހިމް މުޝީރެވެ. މި މެޗް ގެ މޭން އޮފް ދަ މެޗް ކަން ލިބިައިފަނީ ފޯކައިދޫ ޓީމުގެ ޖާޒީ ނަންބަރު 10 އިބްރާހިމް މުޝީރެވެ.

މި މުބާރާތުގައި މާދަމާ ގޮއިދޫ ދެކޮޅަށް ފޭދޫ ކުޅެން ހަމަ ޖެހިފައިވާ އިރު ފޯކައިދޫ ދެން މެޗެއް ކުޅެން ހަމަޖެހިފައި ވަނީ ފީވައް ޓީމާއި ދެކޮޅަށެވެ. މި މެޗު ވެސް ކުޅެން ހަމަ ޖެހިފައި ވަނީ 27 ވަނަ ދުވަހު އެވެ.