މިލައުތުރު ފުޓްސަލް ޓޯނަމެންޓު ގައި ފޭދޫ އަދި ގޮއިދޫ ބައްދަލު ކުރި މެޗު 1-4 ގެ ނަތީޖާ އަކުން ފަސޭހަ ކަމާއި އެކު ފޭދޫ ޓީމުން ކާމިޔާބު ކޮށްފި އެވެ. މި މެޗަކީ ގުރުޕް ސްޓޭޖުގައި މި ދެ ޓީމު ކުޅޭނެ ފަހު މެޗެވެ.

ފޭދޫ ޓީމަށް އެ ޓީމުގެ ލަނޑުތަށް ޖަހައިދީފައި ވަނީ އެ ޓީމުގެ ޖާޒީ ނަންބަރު 10 މާއިލް މުހައްމަދު، ޖާޒީ ނަންބަރު 7 މާއިން މުހައްމަދު އަދި ޖާޒީ ނަންބަރު 4 އަޙްމަދު ފާއިން މުހައްމަދެވެ. ފާއިން ވަނީ ގޮއިދޫ ކޮޅަށް މި މެޗުގައި ދެ ލަނޑު ކާމިޔާބު ކޮށްދީފައެވެ. ފޭދޫ ޓީމަށް މި މެޗުގައި ފާއިން ކާމިޔާބު ކޮށްދިން ދެ ލަނޑާއި އެކު ފާއިން ވަނީ މެޗުގެ މޮޅު ކުޅުންތެރިޔާ ގެ މަޤާމު ވެސް ހޯދައިފައެވެ. ގޮއިދޫ ޓީމުން އަމިއްލަ ދަނޑުގައި ކުޅުނު މި މެޗުގައި އެ ޓީމުގެ ހަމަ އެކަނި ލަނޑު އެ ޓީމަށް ކާމިޔާބު ކޮށްދީފައި ވަނި އެ ޓީމުގެ ޖާޒީ ނަންބަރު 17 އިބްރާހިމް ޢަލީ އެވެ.

މި މެޗާއި އެކު ގޮއިދޫ ޕޮއިންޓް ތާވަލުގެ ތިން ވަނަ ކަށަވަރު ކޮށްފައިވާ އިރު ފޭދޫ ވަނީ ތާވަލުގެ ހަތަރު ވަނަ ހޯދައިފައެވެ. ގުރުޕް ސްޓޭޖް ގެ ކުޅުން މި ދެ ޓީމުން ނިންމާލި ކަމުގައި ވިއަސް މި ދެ ޓީމުން ވަނީ ކުއާޓާ ފައިނަލް އިން ޖާގާ ހޯދައިފައެވެ.