މާލޭއަށް އެތެރެކުރާ ހަތަރު ފުރޮޅުލީ އެއްގަމު އުުޅަނދު ރަޖިސްޓަރީ ކުރުމުގައި ހިންގާފައިވާ ހުރިހާ ޖަރީމާއެއް ވެސް ހިންގާފައި ވަނީ ޓްރާންސްޕޯޓް މިނިސްޓްރީގެ ތެރެއިންލާފައި ކަމަށާއި، ހުރިހާ ގެއްލުމެއް ލިބިފައި ވަނީ ރައްޔިތުންނަށް ކަމަށް ބުނެ މީހުންގެ ޝުޢޫރުތައް ސޯޝަލް މީޑިޔާއަށް ބަންޑުން ކޮށްލައިފިއެވެ.

ބޭނުން ވަރަކަށް ހުޅަނދު ފަަހަރު އިމްޕޯޓް ކުރެވެއެވެ. ސަރުކާރަށް ދައްކަންޖެހޭ އިމްޕޯޓް ޑިއުޓީ ދެއްކުމުން ނިމުނީއެވެ. އެކަމަކު އެއްވެސް އުޅަނދެއް ރަޖިސްޓަރީ ކުރެވޭކަށް ނެތެވެ. އެކަން ކުރަންޏާ ކޮންމެ މީހަކު ވެސް ޖެހެނީ ޖަރީމާއެެއްގައި ބައިވެރިވާށެވެ. ގަރާޖު ސިޓީއެއް ހޯދުނު ގޮތަކަށް ހޯދާށެވެ. އެެމީހަކު ކީއަގެއް ދީފައި އެސިޓީ ހޯދާށެވެ. ބައިލައްކަ ރުފިޔާއިން ފެށުނު ކުޅިގަނޑު ލައްކައަކަށް އަރައިފިއެވެ. ޓްރާންސްޕޯޓް މިނިސްޓްރީއާ ވާކަމެއް ނޫނެވެ. ހުރިހާ ކަމެއް ހިނގަނީ ގުޅިގެން ގުޅިގެން ހިންގާ ޖަރީމާއެއްގެ ގޮތުގައެވެ. ނަމުގައި މާލޭގެ ތޮއްޖެހުން ޙައްލުކުރުމަށެވެ. ކަމުގައި ޖީބުތައް ރިޝްވަތުން ފުރާލުމަށެވެ.

މާލޭގައި ދުއްވާ އެއްޗެހި ގިނަވެ ތޮއްޖެހުމުގެ މައްސަލަ ޙައްލުކުރުމުގެ ނިޔަތެއް އޮތްހެނެއް ހިޔެއް ނުވެއެވެ. މަކަރާ ޙީލަތުން ވިޔަސް މަދުބަޔަކު މުއްސަނދި މަހުޖަނުންނަށްވެ، ނިކަމެތި ރައްޔިތުން އިތުރަށް ދަރަނިވެރި ވެއްޖެއެވެ. މިހާރު އެތެރެކޮށްފައި ހުރި ކާރުތައް މަގުތަކުގައި ވަނީ ފުނިޖެހިފައެވެ. ކާރު ވިއްކާ ފަރާތަށާއި، ދައުލަތައް ދައްކަންޖެހޭ ހުުރިހާ ފައިސާއެއް ވެސް ދައްކާފައެވެ. އެކަމަކު ރަޖިސްޓަރީ ކޮށްގެން އެއްޗެއް ބޭނުންކުރެވޭނެ ގޮތެއް ނެތެވެ. އުޞޫލުތައް ހަދާފައި ވަނީ އެކަމުން ވެސް ނާޖާއިޒު މަންފާތައް ލިބޭނެ ހުރިހާ ދޮރުތަކެއް ވެސް ހުޅުވޭނެ ގޮތްގޮތަށެވެ. އެންމެ ފަހުން ކާރު ގަންނަ ފަރާތްތައް މާޔޫސްވެ ގޮތް ހުސްވުމުން ހޯދުނު ގޮތަކަށް ރަޖިސްޓަރީ ހޯދަނީއެވެ. އަދި ދުއްވުނު ގޮތަކަށް ދުއްވަނީއެވެ.

ދާދި ފަހަކުން އެމްއޭސީއެލްގެ އެއްގަމުގައި ދުއްވާ އުޅަނދެއް ވަގަށް ނެގުމާއި ގުޅިގެން މ. މޮޑަންކޮމެންޓް އަހްމަދު ނިޒާމް 43 އަހަރު އާއި، އެމްއޭސީއެލްގެ މުވައްޒަފެއް ކަމުގައިވާ މ. ސީނި އަސުރުމާގެ މުހައްމަދު ހައިޝަމް 42 އަހަރު ހައްޔަރުކޮށް ކުރެވުނު ތަޙްޤީޤުގެ ތެރެއިން އެނގުނީ އެފަދަ 100 އަށް ވުރެ ގިނަ އުޅަނދުތައް ގަރާޖު ހިންގާ ފަރާތުގެ ނަމުގައި ރަޖިސްޓަރީކޮށްފައި ވާކަމެވެ. އޭގެތެރޭގައި  ނިޒާމްގެ އަނބިކަނބަލުންގެ ނަމުގަ 42 ވެހިކަލް އޮތްކަމަށް ފުލުހުން މަޢުލޫމާތު ދެއެވެ.

ފުލުހުން ބުނީ އެހިސާބުން ގަރާޖު ސިޓީ އޮންނަންޖެހޭކަން އެނގޭތީ ބެލި ބެލުމުން ހާމަވިގޮތުގައި ކުރިން ޓްރާންސްޕޯޓް މެދުވެރިކޮށް ގިނަ ރަޖިސްޓްރީތަކެއް ހައްދާފައި ވާއިރު ކުރިއަށް އޮތް ތިން އަހަރަށް ވެސް ރަޖިސްޓްރީތައް ދޫކޮށްފައި ހުރިކަން ފާހަގަކުރެވުނު ކަމަށެވެ. މިޤައުމުގައި ދެން ކޮށްފައި ނުކުރާނީ ކޮންކަމެއްތޯއެވެ.