މާފުށީ ޖަލަށް ފޯނާ މަސްތުވާތަކެތި ވެއްދުމުގައި ކަރެކްޝަނަލް ސާރވީސްގެ އޮފިސަރުންތަކެއް ބައިވެރިވާ ކަމުގެ އިންޓަލިޖެންސް ލިބުމާއި ގުޅިގެން ދިވެހި ފުލުހުންގެ ޚިދުމަތުން ކުރިއަށް ގެންދާ ޚާއްސަ އޮޕަރޭޝަންގައި މިހާތަނަށް 13 މީހަކު ހައްޔަރުކޮށްފައި ވެއެވެ.
މިކަމުގެ މަޢުލޫމާތު ނޫސްވެރިންނާ ޙިއްސާކުރައްވަމުން ފުލުހުންގެ ފަރާތުން ބުނެފައި ވަނީ އެކަމުގައި ކަރެކްޝަނަލް ސަރވީސްގެ 18 މުއައްޒަފުން ބައިވެރިވެފައި ވާކަމަށާއި، އެމީހުންގެ އެކައުންޓްތަކުގައި ޖުމްލަ 73 މިލިޔަން ދިވެހި ރުފިޔާ ހުރިކަމަށެވެ.
އެމީހުންގެ ބަންދާ މެދު ގޮތެއް ނިންމުމަށް މިއަދު ކްރިމިނަލް ކޯޓްގައި އޮންލައިންކޮށް ކުރިއަށް ގެންދިޔަ ޝަރީޢަތުގެ މަޖިލިހުން އެހުރިހާ މީހުން ވެސް ތަޙްޤީޤު ނިމެންދެން ބަންދުގައި ބޭތިއްބުމަށް ވަނީ އަމުރުކޮށްފައެވެ.
މަޢުލޫމާތު ލިބިފައިވާ ގޮތުގައި މިމައްސަލައިގާ ބަންދުކުރި ކަރެކްޝަނަލް ސާރވީސްގެ އޮފިސަރެއްގެ އެކައުންޓްގައި 24 މިލިޔަން ރުފިޔާއަށް ވުރެ ގިނަ ފައިސާ އެބަހުއްޓެވެ. އޭނާ އެޚިދުމަތާއި ގުޅުނު ފަހުން އަދި ދޮޅު އަހަރެއްހާ ދުވަސް ވެސް ނުވާކަމަށް މަޢުލޫމާތު ލިބެއެވެ.
ފުލުހުން އިތުރަށް ބުނެފައި ވަނީ މާފުށީ ޖަލަށް ފޯނާ މަސްތުވާތަކެތި ވެއްދުމުގައި އުޅެނީ ވަރަށް ބޮޑު ނެޓްވޯކެއް ކަމަށާއި، އެމީހުން ދެނެގަނެވިއްޖެ ކަމަށާއި، އިތުރު މީހުން ވެސް ހައްޔަރުކުރަން ޖެހިދާނެ ކަމަށެވެ.
One Reply to “މާފުށީ ޖަލަށް މަސްތުވާތަކެތި ވެއްދިކަމުގެ ތުހުމަތުގައި ހައްޔަރުކުރި މީހުން ތަޙްޤީޤު ނިމެންދެން ބަންދަށް!”
Anonymous
Varah baraabaru. Gaanoonu negehettumuge zimmaa mathi kuravvaafaivaa faraih thakun mifadha dhashu dharajaige kankan kuranyaa gaumeh halaakuvedhaane. Dhevey adhabu double kuran jehey. Muvazzafun vazeefaa ah negumuga ithurah visnan jehey. Vazeefaa ah iulaan kollumun network thakun e vazeefaa ah e network akaa gulhey meehun recruit kuraane.
މި ލިޔުމަށް 48 ގަޑިއިރު ހަމަވެފައި