ކަރަންޓް ކޭބަލްތަކެއް ކަނޑާލާ ވަގަށް ގެންދިއުމުގެ ސަބަބުން މާލޭގެ ބައެއް ސަރަޙައްދުތަކުން ކަރަންޓްގެ ޚިދުމަތް ވަނީ މެދުކެނޑިފައެވެ.
ސްޓެލްކޯގެ ޓްރާންސްފޯމަރެއްގެ ކޭބަލެއް ބުރިކޮށް ވަގަށް ގެންދިއުމާއި ގުޅިގެން މަޖީދިއްޔާ ސްކޫލު ހިމެނޭހެން، ހެންވޭރުގެ އަބަދަށްފެހި މަގާއި، މެދުޒިޔާރަތްމަގާއި، ކަޅުހުރާމަގާއި، ކަރަންކާ މަގުގެ ބައެއް ގެތަކުން ވަނީ ކަރަންޓުގެ ޚިދުމަތް މެދުކެނޑިފައެވެ. އަދި އައު ކޭބަލެއް އަޅައި ކަރަންޓުގެ ޚިދުމަތް އެސަރަޙައްދުތަކަށް ދިނުމުގެ މަސައްކަތް ކުރެވެމުންދާކަމަށާއި ދިމާވެދާނެ ދަތިތަކަށް އެކުންފުނިން މަޢާފަށް އެދޭކަމަށް ފޭސްބުކްގައި ލިޔުއްވާފައި ވެއެވެ.
މިފަހަކަށް އައިސް މިފަދަ ޙާދިސާތައް ހިނގާލެއް ވަނީ ބޮޑުތަނުން އިތުރުވެފައެވެ. އަދި މިފަދަ ޙާދިސާއެއްގައި މީހެއްގެ ފުރާނަވެސް ވަނީ ގެއްލިފައެވެ.
