މިއަހަރުގެ އޮލިމްޕިކްސް ކުޅިވަރު މުބާރާތް ބާއްވާ ފަރަންސޭސި ވިލާތަށް ވުރެ އެމެރިކާއިން ބައިވެރިވާ އެތްލީޓުންގެ އަދަދު ގިނަވެފައި އެމީހުންގެ ފެނިލުން ތަފާތު ކަމުން ގިނަ ބައެއްގެ ސަމާލުކަން ލިބިއްޖެއެވެ.

އެމެރިކާއިން އޮލިމްޕިކްސްގައި ބައިވެރިވާ 594 އެތްލީޓުން ދަތުރުކުރީ ބޮޑު ކްރޫޒް ޝިޕެއްގައެވެ. އުފާވެރިކަމާއި ޝައުޤުވެރިކަމާ ކުޅިވަރުގެ ޖޯޝް ދައްކުވައިދިން އެމަންޒަރުތަކަށް ބޮޑު ތަރުޙީބެއް ވަނީ ލިބިފައެވެ. އަދި ހޯސްޓް ކުރާ ޤައުމަށް ވުރެ ގިނަ އަދަދަކަށް އެހެން ޤައުމަކުން ބައިވެރިވާކަމީ އެމީހުން ތައްޔާރުވެފައި އޮތް މިންވަރު ދައްކުވައިދޭ ކަމެއްގެ ގޮތުގައި ކުޅިވަރު ދިރާސާކުރާ ފަރާތްތަކުން ސިފަކުރެއެވެ. މިއަހަރުގެ އޮލިމްޕިކްސް ބާއްވާ ފްރާންސްއިން ބައިވެރި ވަނީ ޖުމްލަ 573 އެތްލީޓުންނެވެ.

އެމެރިކާގެ ޓާގެޓަކީ މިއަހަރުގެ އޮލިމްޕިކްސްގައި އެންމެ ގިނަ މެޑަލް ހޯދާ ބައެއްގެ ޝަރަފު އެމީހުން ހޯދުމެވެ.