ށ. އަތޮޅު ކައުންސިލުން ޖަމިއްޔާތަކަށް ޕްރޮޕޯސަލް ހުށައެޅުމަށް ހުޅުވާލި ފުރުޞަތުގައި ޕްރޮޕޯސަލް ހުށަހެޅުއްވި ޖަމިއްޔާ ޖަމާޢަތްތަކުގެ ތެރެއިން އެންމެ މަތިން ޕޮއިންޓް ލިބުނު 3 ޖަމިއްޔާގެ ނަން އިޢުލާން ކޮށްފިއެވެ.

ށ. އަތޮޅުގައި ރަޖިސްޓަރީ ކޮށްގެން ހިންގާ ޖަމިއްޔާތަކުގެ ތެރެއިން ހޮވިފައިވާ ޕްރޮޕޯސަލްތަކުގައި ވާ މަޝްރޫޢުތައް ހިންގުމަށް އަތޮޅު ކައުންސިލްގެ ބަޖެޓުން އެއިން ކޮންމެ ޖަމިއްޔާއަކަށް 100،000.ރ (އެއްލައްކަ ރުފިޔާ) ދޫކުރުމަށް ވަނީ ހަމަޖެހިފައެވެ.

އެންމެ މަތިން ޕޮއިންޓް ލިބިގެން އަތޮޅު ކައުންސިލްގެ މާލީ އެހީ ލިބޭ ތިން ޖަމިއްޔާ އަކީ (1) ށ. ކަނޑިތީމް ބްލޫ ގިލްޑް އާއި (2) ށ. ޅައިމަގު އެކުވެރިންގެ ރީޙް އާއި (3) ށ. ފުނަދޫ ޔުނިޓީ ސްޕޯޓްސް އެކެޑަމީ އެވެ. ބްލޫ ގިލްޑަށް ލިބިފައި ވަނީ 75 ޕޮއިންޓެވެ. އަދި ޅައިމަގު އެކުވެރިންގެ ރޫހާއި، ޔުނިޓީ ސްޕޯޓްސް އެކެޑަމީއަށް ލިބިފައި ވަނީ 50 ޕޮއިންޓެވެ.

ބްލޫ ގިލްޑް ޖަމިއްޔާއިން ހުށަހަޅާފައި ވަނީ ތާނަ އައިލޭންޑް މޮނިއުމަންޓެއް ތައްޔާރު ކުރުމުގެ ޕްރޮޕޯސަލެކެވެ. ޅައިމަގު އެކުވެރިންގެ ރޫޙުން ހުށަހަޅާފައި ވަނީ އޮފީސް އިމާރާތަކާއި ކޮމިއުނިޓީ ޕާކެއް ތަރައްޤީ ކުރުމުގެ ޕްރޮޕޯސަލެކެވެ. އަދި ޔުނިޓީ ސްޕޯޓްސް އެކެޑަމީން ހުށަހަޅާފައި ވަނީ ތިމާވެއްްޓާ ރައްޓެހި ބާބެކިއު ސަރަޙައްދެއް ތަރައްޤީ ކުރުމުގެ ޕްރޮޕޯސަލެކެވެ.