ފަރީދު ނަމަކަށް ކިޔާ ހާލެއް ގެއްލިގެން ހޯދުމަށް އިޢުލާން ކުރުމާއެކު މުޅި ސޯޝަލް މީޑިޔާ ގުގުމާލިއެވެ. އަދި ފަރީދުގެ ބެލެނިވެރި ފަރާތުން ބޮޑެތި އިނާމްތައް ވެސް ހުށަހަޅާފައި ވެއެވެ. އެހެން ނަމަވެސް އަދިވެސް ފަރީދު ފެނިފައެއް ނުވެއެވެ.
އައްޑޫ ސިޓީގައި ގެއްލިގެން ހޯދާ ފަރީދުގެ ޚަބަރުތައް ހުއްޓުމެއް ނެތި މީޑިޔާތަކުގައި ކަވަރުކުރަމުންދަނިކޮށް ފަރީދު ނަމަކަށް ކިޔާ މީހަކު ހޯދުމަށް ފުލުހުން ވަނީ އިޢުލާންކޮށްފައެވެ.
ބަންދުގައި ބަހައްޓައިގެން ކޯޓަށް ޙާޟިރުކުރުމަށް އިޢުލާންކޮށްފައި ވަނީ ގދ. ރަތަފަންދޫ އުމުރުން 28 އަހަރުގެ ފަރީދު ނަމަކަށް ކިޔާ މީހެކެވެ. އަދި މި ޚަބަރާއެކު ގެއްލިގެން ހޯދަމުން ގެންދާ ފަރީދުގެ ވާހަކަތަކަށް މަޑުޖެހުމެއް އަތުވެއްޖެއެވެ.
މިހާރު ހޯދަމުންދަނީ ކޯޓަށް ފިލައިގެން އުޅޭ ހައްމާދު ފަރީދުއެވެ. ހައްމާދު ފަރީދުއާއި ބެހޭ އެއްވެސް މަޢުލޫމާތެއް ލިބިއްޖެ ފަރާތަކުން ފުލުހުންގެ ކަސްޓޯޑިއަލް ނަންބަރު 9991442 އަށް ގުޅުއްވައި މަޢުލޫމާތު ޙިއްސާކޮށްދެއްވުމަށް އެދިފައި ވެއެވެ.
