އެމެރިކާގެ މަޝްހޫރު ލަވަކިއުންތެރިޔާ ޓެއިލާ ސްވިފްޓްގެ މައްޗަށް އެންމެ 23 ދުވަހުގެ ތެރޭގައި ކުރިހޯދާ ސަބްސްކްރިޕްޝަން އާމްދަނީގެ ގޮތުގައި ޓެއިލާއަށް ވުރެ ބޮޑު އާމްދަނީއެއް ލިބޭ މީހަކަށް ރޮނާލްޑޯ ވެއްޖެއެވެ. މިއީ ދުނިޔޭގެ ތާރީޚްގައި ވެސް ޔޫޓިއުބްގައި އެހާ އަވަހަށް އެހާ ބޮޑު އާމްދަނީއެއް ހޯދި ފުރަތަމަ ފަހަރެވެ. މަޝްހޫރު ލަވަކިއުންތެރިޔާ ޓެއިލާ ސްވިފްޓަށް 60 މިލިޔަން ސަބްސްކްރިޕްޝަން ލިބުނީ 18 އަހަރުންނެވެ.
މިއީ ދުނިޔޭގައި ރޮނާލްޑޯގެ ނުފޫޒު އޮތްވަރުކަމާ މިއީ ހައިރާން ކުރުވަނިވި ކަމެއް ކަމަށް ތަޖުރިބާކާރުން ވެސް ދަނީ ބުނަމުންނެވެ. އަދި ރޮނާލްޑޯއަށް ހަޖޫޖަހާ މަލާމާތްކުރި މީހުންނަށް ވެސް ތިބީ ބުނާނެ އެއްޗެއް ނޭނގިފައެވެ. އަދި ދުނިޔޭގެ މީޑިޔާތަކުގައި ރޮނާލްޑޯއަށް ކުރަމުން ގެންދިޔަ އެންޓި ކެމްޕެއިންތައް ހުއްޓާލުމަށް ފަހު އެވޯޑްތައް ދޭން ފަށައިފިއެވެ. އަދި އޭނާގެ އުފަން ޤައުމުކަމުގައިވާ ޕޯޗުގަލްގެ ފުޓްބޯޅަ އެސޯސިއޭޝަނުން ވެސް އޭނާއަށް ޚާއްޞަ ދަރަތަކެއް އަރުވައިފިއެެވެ. އަދި އެންމެ ބޮޑަށް ޖެއްސުން ކުރި ފަރާތްތައް ވެސް ލަދުން އަޑުކެނޑިއްޖެއެވެ. އެހެނީ މިހާރު ރޮނާލްޑޯއަށް ފުރައްސާރައެއް ކޮށްފި ކޮންމެ މީހަކު އަނދާ ހުލިވާނެކަން އެނގޭތީއެވެ.
ސޯޝަލް މީޑިޔާގައި ރޮނާލްޑޯ ފޮލޯކުރާ ފަރާތްތަކުގެ ޖުމުލަ 1 ބިލިޔަން ފަހަނައަޅަފައި ވުމީ އޭނާގެ ނުފޫޒު ދުނިޔޭގައި އޮތްވަރު ރަމްޒުކޮށްދޭ ކަމެކެވެ. މި ޙަޤީޤަތްތައް ފެންނަން އޮއްވާ އޭނާ އާއި ފޮށި މަލާމާތްކުރުމަކީ ފަސޭހަކަމަށް ދެން ނުވާނެއެވެ. ރޮނާލްޑޯ އަކީ ދުނިޔެދުއްް އެންމެ ކާމިޔާބު ފުޓްބޯޅަ ލެޖެންޑްކަމަށް ގިނަ ބަޔަކު މިހާރު ޤަބޫލުކުރެއެވެ. އަދި މިއީ މެސީއަށް ބުނާ ކުޑައިމީސް ބަހެއް ނޫނެވެ. މެސީއަކީ ޤުދުރަތީ ހުނަރުގެ ގޮތުން މުޅިން އެހެން ލެވެލްއެއްގެ ކުޅުންތެރިއެކެވެ.
