ރާއްޖޭގައި ބައިނަލްއަޤުވާމީ ބަންކަރިންގ ޚިދުމަތް ފެށުމާއެކު ބޮޑު އާމްދަނީއެއް އިތުރުވެގެންދާނެ ކަމަށް ސަރުކާރުގެ ކަމާބެހޭ މުއައްސަސާތަކުގެ ވެރިން ގެންދަވަނީ ވިދާޅުވަމުންނެވެ. އެހެން ނަމަވެސް ސައިރިކްސް ޝަރީފް ހިސާބު ޖައްސަވާފައި ވިދާޅުވީ އެވަރުގެ އާމްދަނީއެއް ލިބޭނެގޮތީ ނެތް ގޮތެއް ކަމަަށެވެ.

އަޙްމަދު ޝަރީފުގެ އަމިއްލަ ފޭސްބުކް އެކައުންޓް މެދުވެރިކޮށް އަންދާޒާތަކެއް ވަނީ ރައްޔިތުންނާއި ޙިއްސާކުރައްވާފައެވެ. އެގޮތުން ފެން ޓަނެއްގެ އަގު 10 ޑޮލަރަށް ވިއްކައިގެން 150 ޓަނަށް ލިބޭނީ 1500 ޑޮލަރު ކަމަށާއި، އެއީ ފެނަކައަށް ލިބޭނެވަރު ކަމަށާއި، އެމްޕީއެލްއިން ބޯޓްފަހަރަށް އެފެން ވިއްކާނީ ޓަނެއް 10.5 ޑޮލަރަށް ކަމަށާއި، އެއީ ބައިޑޮލަރުގެ ފައިދާއެއް ލާފައި ކަމަށާއި، އެހެންވެއްޖެއްޔާ 150 ޓަނު ފެނަށް ލިބޭނީ 75 ޑޮލަރު ކަމަށާއި، 10 ބޯޓަށް ފެން ބަރުކުރީމާ ފެނަކައަށް ލިބޭނީ 15000 ޑޮލަރު ކަމަށާއި، އެމްޕީއެލްއަށް ލިބޭނީ 750 ޑޮލަރު ކަމަށާއި، އެމްޕީއެލްއަށް އާމްދަނީގެ ގޮތުގައި 1.5 މިލިއަން ޑޮލަރު ލިބޭނެ ގޮތަކީ ނެތްގޮތެއް ކަމަށެވެ.

އެމްޕީއެލްއިން ބުނެފައި ވަނީ ފެނަކައިން ފެން ޓަނެއް ގާތްގަނޑަކަށް 10 ޑޮލަރަށް ލިބެން ހުންނަ ކަމަށާއި، އެހެން ވީމާ 10.5 ޑޮލަރަށް ފެންޓަނެއް ވިއްކި ނަމަވެސް 150 ޓަނު ފެން ވިއްކައިފެން 150،000 ޑޮލަރުގެ އާމްދަނީއެއް ކޮނެމް ބޯޓަކުން ލިބޭނެކަމަށާއި، 10 ބޯޓަށް ފެނުގެ ޚިދުމަތް ދިނަސް 1.5 މިލިޔަން ޑޮލަރުގެ އާމްދަނީއެއް ލިބޭނެ ކަމަށެވެ.