އދ. ގައި ތަޤުރީރުކުރެއްވުމަށް އެމެރިކާއަށް ކުރެއްވި ދަތުރުފުޅުގެ ހަވާސާގައި ރައީސް ޑރ. މުޙައްމަދު މުޢިއްޒު ފަލަސްޠީނުގެ ރައީސް މަހަމޫދު އައްބާސް އާއި ބައްދަލުކުރައްވައިފި އެވެ.
ދިވެހިންނަކީ އަބަދުވެސް ފަލަސްޠީނުގެ ރައްޔިތުން ދެކެ ލޯބިވާ ބައެއްކަމަށާއި، މިނިވަން ދައުލަތެއް ހޯދުމަށް ކުރާ ހުރިހާ މަސަކަތަކަށް ދިވެހި ސަރުކާރުގެ ފުރިހަމަ ތާޢީދު އޮންނާނެ ކަމުގެ ޔަޤީންކަން ދެއްވަމުން ރައީސް ވިދާޅުވީ ދިވެހިރާއްޖެއިން ދެވެން އޮތް ކޮންމެ އެހީތެރިކަމަކާއި މަދަދުވެރިކަމެއް ދެއްވާނެކަމަށެވެ.
ދެބޭފުޅުގެ ބައްދަލުވުމަށް ފަހު، ބައިނަލްއަޤުވާމީ މީޑިޔާތަކާ ބައްދަލުކުރައްވައި ބައްދަލުވުމާ ގުޅޭ ގޮތުން ދެބޭފުޅުން ވެސް ވާހަކަފުޅު ދެއްކެވިއެވެ. މިއީ މިހާ ފާޅުކަން ބޮޑުގޮތެއްގައި ފަލަސްޠީނަށް ތާޢީދުކޮށް ރައީސަކު ލޮބީކުރެއްވި ފުރަތަމަ ފަހަރެވެ.
