ޖުމްހޫރީ ޕާޓީގެ ޑެޕިއުޓީ ލީޑަރު އަޙްމަދު ސައުދު ޙިއްސާވާ ވިޔަފާރިއެއް ކަމަށްވާ ވަންކެއާރ ޑެންޓަލް ކްލިނިކް އާއި އިންޑިޔާގެ ކިމްސް ހެލްތް އާއި އެކު ވިޔަފާރި އެއްބަސްވުމެއްގައި ސޮއިކޮށްފިއެވެ. މަޢުލޫމާތު ލިބޭގޮތުގައި މި އެއްބަސްވުމުގެ ދަށުން މާލޭގައި މަލްޓި ސްޕެޝަލްޓީ މެޑިކަލް ސެންޓަރެއް ތަރައްޤީކޮށް ޞިއްޙީ ޚިދުމަތް ދޭނެއެވެ. އަދި ރަނގަޅު ފެންވަރުގެ ޞިއްޙީ ޚިދުމަތްތައް ފޯރުކޮށްދެވޭނެއެވެ.
ޒަމާނީ ވަޞީލަތްތަކާއެކު ތަރައްޤީކުރެވޭ އެ މެޑިކަލް ސެންޓަރުގައި ތަފާތު ބަލިތަކަށް ޚާއްޞަ ޑަކްޓަރުންނާއި، ޞިއްޙީ ފަންނީ މުވައްޒަފުން ތިއްބަވާނެއެވެ. އަމާޒަކީ ބަލިމީހުންނަށް ލުއިފަސޭހަ ގޮތެއްގައި ރަނގަޅު ޞިއްޙީ ޚިދުމަތްތަކެއް ދިނުންކަމުގައި ވަންކެއާރ ޑެންޓަލް އެންޑ ކްލިނިކުގެ ފަރާތުން މަޢުލޫމާތު ލިބެއެވެ.
