އެއްގަމު މަގުން ލުބުނާނަށް އަރަންދިޔާ އިޒްރޭލްގެ ފައުޖުތަކާ ދެކޮޅަށް ޙިޒްބު ﷲ އިން ޙަމާތައް ބަދަލުކޮށް ފުރަތަމަ ބުރުން ކާމިޔާބު ހޯދައިފި ކަމަށް އަލްޖަޒީރާގެ އިތުރުން އެމެރިކާގެ ބޮޑެތި ނޫސްތަކުން ކަށަވަރު ކޮށްދީފިއެވެ.
ލުބުނާނުގެ ޙިޒްބު ﷲ ގެ މުޖާހިދުންގެ ވަރުގަދަ ކުރިމަތިލުންތަކުގައި އިޒްރޭލް ސިފައިންގެ ގިނަ ބަޔަކު ޒަޚަމްކޮށްލައި ބައެއް ސިފައިން ވަނީ މަރާލާފައެވެ. ބައެއް ވީޑިއޯތަކުން ފެންނަގޮތުގައި ގިނަ އަދަދެއްގެ ފުރާނަނެތް ހަށިގަނޑުތަކާއި، އަނިޔާ ލިބިފައިވާ ހަށިގަނޑުތައް އަށިގަނޑުތަކުގައި އުފުލާތަން ފެނެއެވެ. އިޒްރޭލް ސިފައިން ފަހަތައް ޖެހި، މެޑިކަލް ސާމާނާއެކު ހެލިކޮޕްޓަރުތަކުގައި ގެންދާ މަންޒަރު ވެސް ފެނެއެވެ.
އިޒްރޭލަށް މިސައިލް ޙަމަލާތަކެއް ދިނުމަކީ ބަލިފައިމައްޗަށް ފޮއިވެއްޓުން ކަހަލަކަމެކެވެ. ދުނިޔޭގެ ޤާނޫނުތަކާ ޤަވައިދުތަކަށް ގޮންޖަހާފައި އުޅުނު އިޒްރޭލްގެ ބޮޑުވަޒީރު ވެސް ބަންކަރެއްގެ ތެރޭގައި ފިލަން ވަދެއޮތް މަންޒަރު ފެންނަ ވީޑިއޯއެއް ވަނީ ސޯޝަލް މީޑިޔަގައި އާންމުވެފައެވެ. ޚަބަރުތައް ލިބޭގޮތުގައި އިޒްރޭލުން ބަދަލު ހިފުމުގެ ގޮތުން ރައްދު ޙަމަލާއެއް އީރާނަށް ދޭނެއެވެ. އެފަދަ ޙަމަލާއެއް ދީފިނަމަ އިޒްރޭލް ޗިސް ޗިސް ކޮށްލާވަރުގެ އުޤޫބާތެއް ދޭނެކަމަށް އީރާންގެ ރިވޮލިއުޝަނަރީ ކޮމާންޑުން ބުނެއެވެ.
