ދަނޑުވެރިކަމުގެ ދާއިރާއިން މައިކޮލެޖުގައި ކިޔަވާ ދަރިވަރުން ކާމިޔާބުކަމާއެކު ކޯސް ފުރިހަމަކޮށް ދަސްވެނިވެއްޖެއެވެ. މިއީ އެކޮލެޖުގައި ހިންގުނު މިފަދަ ފުރަތަމަ ޕްރޮގްރާމު ކަމަށް މަޢުލޫމާތު ލިބެއެވެ. މިކަމަށްޓަަކައި އެކޮލެޖުގައި ބޭއްވި ރަސްމިއްޔާތުގެ ޝަރަފުވެރި މެހެމާނާއަކީ މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއާރ ޑރ. އައިޝަތު ރަމީލާއެެވެ.
އޮކްޓޯބަރު 1 ވަނަ ދުވަހު އޮތް މި ޙަފުލާގައި މަތީ ވަނަތައް ޙާޞިލްކުރި ދަރިވަރުންނަށް އިނާމާ ހަނދާނީ ފިލައާއި ސްކޯލަރޝިޕްތަކާއި، ގްރާންޓްތައް ލިބިފައި ވެއެވެ. އެގޮތުން އެންމެ މަތީ ނަތީޖާ ހޯދި ދަރިވަރަށް ސީޑްގެ ފަރާތުން ވިޔަފާރިއެއް ފެށުމަށް ގްރާންޓެއް ލިބިފައި ވެއެވެ. އަދި އެންމެ މޮޅު 5 ދަރިވަރުންނަށް އިތުރު ތަމްރީނުތައް ހޯދުމަށް ލަންކާ ދަތުރެއް ވަނީ ލިބިފައެވެ. އަދި މީގެ އިތުރުން މައިކޮލެޖުގެ ފަރާތުން ދަނޑުވެރިކަމުގެ ދާއިރާއަށް ބޭނުންވާ ހުނަރުތައް ދަސްކޮށްދިނުމަށް އަމާޒުކޮށްގެން 10 ސްކޯލާޝިޕެއް ވަނީ އިޢުލާނުކޮށްފައެވެ.
މައިކޮލެޖަކީ ރާއްޖޭގައި މަތީ ތަޢުލީމުދޭ އެންމެ ބޮޑު އެއް ކޮލެޖެވެ. މިއީ ބަންގްލަދޭޝްގެ ރައްޔިތެއްގެ އަމިއްލަ ވިޔަފާރިއެކެވެ. މައިކޮލެޖުގެ ވެރިޔާ އަޙްމަދު މުއްތަކީ ކައިވެނިބައްލަވައިގެން އުޅުއްވަނީ ދިވެހި އަންހެނަކާއެވެ. އަދި ދިވެހި ބަނޑަށް ދަރިން ވެސް ލިބިފައި ވެއެވެ. އަދި މުއްތަކީ ވެސް އާންމުކޮށް ދިރިއުޅުއްވަނީ ދިވެހިރާއްޖޭގައެވެ.
