ހައްދުފަހަނައެޅި އިޒްރޭލް ސިފައިންގެ މީހަކު ފަލަސްޠީންގެ 12 އަހަރުގެ އަންހެން ކުއްޖެއްގެ ގަޔަށް ބަޑިޖަހާ ޝަހީދުކޮށްލަން އުޅެނިކޮށް ޙިޒްބު ﷲ ހަނގުރާމަވެރިންނަށް އެމަންޒަރު ފެނި އެމީހާ މަރާލައިފިއެވެ.
މަޢުލޫމާތު ލިބޭގޮތުގައި އެއީ ލުބުނާނުގެ ބޯޑަރު ސަރަޙައްދަށް ރައްކާތެރިކަން ހޯދަން ގޮސް އުޅޭ ފަލަސްޠީންގެ އާއިލާއެއްގެ ކުއްޖެކެވެ. އެކުއްޖާ ގަޔަށް ބަޑިޖެހުމަށް ފަހު މުޅި އާއިލާ ނައްތާލާނަމޭ ގޮވާ އަޑުގަދަކުރިކަމަށް ވެއެވެ. މުޖާހިދުންގެ ބަޔަކަށް އެމަންޒަރު ފެނުމުން ވަގުތުން އިޒްރޭލް ސިފައިންގެ މީހާ ވަނީ ނައްތާލާފައެވެ. އަދި އަންހެން ކުއްޖާއަށް ސަލާމަތްވާނެ ފުރުޞަތު ހޯދައިދިނެވެ. އެމަންޒަރުތައް ފަލަސްޠީންގެ ބައެއް ނޫސްވެރިންނަށް ފެނިފައި ވާކަމަށް ރޮއިޓާސްއިން ރިޕޯޓްކޮށްފައި ވެއެވެ. އަދި މަރާލި އިޒްރޭލް ސިފައިންގެ މީހާގެ ފޮޓޯ މިހާރު ސޯޝަލް މީޑިޔާގައި ދައުރުވާން ފަށައިފިއެވެ.
ހައްދު ފަހަނައެޅި އިޒްރޭލުގެ ޔަހޫދީ ސިފައިން ގެންދަނީ ބޭރޫތަށް ވަރުގަދަ ވައިގެ ޙަމަލާތައް ދެމުންނެވެ. އެގޮތުން މިފަދަ ޙަމަލާއެއްގައި ޙިޒްބު ﷲގެ ލީޑަރުކަމަށް އަލަށް ނޮމިނޭޓްކުރި ހާޝެމް ޝަފީޢުއްދީން އާއި ޑެޕިއުޓީ ލީޑަރ ނަޢީމް ޤަސަމް ވަނީ ޝަހީދުކޮށްލާފައެވެ.
