މޯލްޑިވިއަން އިން ށ.ފުނަދޫ ޑޮމެސްޓިކް އެއާރޕޯޓަށް ކުރަމުން އައި ޝެޑިއުލް ދަތުރުތައް ކުއްލިގޮތަކަށް މެދުކަނޑާލައިފިއެވެ. މިއީ މުޅި އަތޮޅަށް ލިބޭނެ ވަރަށް ބޮޑު ހިތްދަތި ކަމެކެވެ.
މޯލްޑިވިއަނުން ބުނީ ފުނަދޫ އެއާޕޯޓްގެ ޓެކްނިކަލް މައްސަލައަކާއި ގުޅިގެން މޯލްޑިވިއަން އިން އެ އެއާޕޯޓަށް ކުރަމުން އައި ޝެޑިއުލް ދަތުރުތައް މެދުކަނޑާލާފައިވާ ކަމަށެވެ. އެއާލައިނުން އިތުރަށް ބުނީ ދިމާވި މައްސަލަ ހައްލުކުރުމުގެ މަސައްކަތް ކުރަމުން އަންނަ ކަމަށާއި، ދަތުރުތައް މެދުކަނޑާލުމާއި ގުޅިގެން ދިމާވާ ދަތިތަކަށް ލިބޭނީ “ސޮރީއެއް” ކަމަށެވެ.
ފުނަދޫ ދަތުރުތައް މޯލްޑިވިއަން އިން މެދުކަނޑާލީ އެ އެއާޕޯޓްގައި ބޭނުން ކުރަމުން އައި ފަޔަރ ލޮރީއަށް ދިމާވި މައްސަލައަކާއި ގުޅިގެންނެވެ. އަލިފާންނިވާ ލޮރީއަށް ދިމާވި މައްސަލަ ހައްލު ކުރުމުގެ މަސައްކަތް މިހާރު ރީޖަނަލް އެއާޕޯޓްސް ކޮމްޕެނީން އަންނަނީ ކުރަމުންނެވެ.
އަދި ފްލައިޓްތައް ކެންސަލް ވުމާއި ގުޅިގެން ޓިކެޓަށް ބަދަލުގެނައުމާއި ބުކިންގެ އެންމެހާ ކަންކަމުގައި 1671 ނަމްބަރަށް ގުޅުއްވުމަށް އެދޭކަމަށެވެ.
