ފޯކައިދޫ ކައުންސިލް އިން އަނެއްކާ ވެސް ބޮޑު އެހީއެއް އެރަށު ސްކޫލަށް ދީފިއެވެ. މިފަހަރު ސްކޫލަށް ހަދިޔާކޮށްފައި ވަނީ ބޯފެނުގެ ދަތިކަން ޙައްލުކުރުމަށް ބޯފެން އުފައްދާ އާރުއޯ ޕްލާންޓެކެވެ.
ކައުންސިލުން މަޢުލޫމާތު ދޭ ގޮތުގައި މި ފެންއުފައްދާ ނިޒާމަކީ ސްކޫލުގައި ކިޔަވާ 500 ދަރިވަރުންނާއި، މުދައްރިސުންނާއި، އެހެނިހެން މުވައްޒަފުންނަށް ބޭނުންވާނެ ބޯފެން އުފެއްދޭނެ ކެޕޭސިޓީ ހުރި ފެން އުފައްދާ ނިޒާމެކެވެ. އެހެންކަމުން ފޯކައިދޫ ސްކޫލަށް މީގެ ބޯފެނުގެ ދަތިކަމެއް ދެން ކުރިމަތި ނުވާނެ ކަމަށާއި، ފެންބިލް ބޮޑުވާތީ ވެސް އުޅޭކަށް ނުޖެހޭނެ ކަމަށެވެ.
ފޯކައިދޫ ކައުންސިލް ފާހަގަކުރެވެނީ ވަރަށް ބޮޑެތި ހޭދަތައް ކޮށް ރަށުގެ އެހެން ހުރިހާ މުއައްސަސާތަކަށް ބޭނުންވާ ކަންކަން ފުރިހަމަ ކޮށްދިނުމުގައި މުޅި ރާއްޖެއަށް ވެސް ނަމޫނާ ކައުންސިލެއްގެ ގޮތުގައެވެ. އެގޮތުން ހަމަ މި ހަފުތާގެ ތެރޭގައި ހުރިހާ މުއައްސަސަތަކަށް ބޭނުންވާ އަލިފާން ނިވާ އާލާތްތައް ވެސް ވަނީ ހަދިޔާކޮށްފައެވެ.
