ށ. ޅައިމަގު ސްކޫލުގެ 8 ކްލާސްރޫމް އަދި މަލްޓިޕަރޕަސް ހޯލް އިމާރާތުގެ ހުރިހާ މަސައްކަތެއް ނިމި އެންމެ ފަހުގެ އިންސްޕެކްޝަން ކުރިޔަށް ގެންގޮސްފިއެވެ. މިއީ ކުރީ ސަރުކާރުގެ ޕީއެސްއައިޕީގެ ދަށުންް ބަޖެޓް ކުރެވިގެން އެރަށު ސްކޫލްގައި އިމާރާތްކުރި އެންމެ ޒަމާނީ ފެންވަރުގެ ރީތި އިމާރާތެކެވެ.
މިއީ ރައީސް އިބްރާހީމް މުޙައްމަދު ޞާލިޙްގެ ސަރުކާރުން ރާއްޖޭގެ ސްކޫލުތައް އެއްދަންފަޅިއަށް ބަދަލުކުރުމުގެ ސިޔާސަތުގެ ދަށުން ޅައިމަގު ސްކޫލްގައި އިމާރާތްކުރެވިފައިވާ 3 ބުރީގެ އިމާރާތެކެވެ. މި އިމާރާތް ބޭނުންކުރަން ފެށުމުން އެ ސްކޫލަށް ދިމާވެފައިވާ ޖާގައިގެ ދަތިކަމުގެ މައްސަލަ މުޅިން ޙައްލުވެގެން ދާނެއެވެ.
ޅައިމަގަކީ ވެސް ށ. އަތޮޅުގައި ވަރަށް ފާހަގަކޮށްލެވޭ ރަށެކެވެ. ތަރައްޤީގެ ގިނަ ގުނަ މަޝްރޫޢުތަކެއް ވަނީ ކުރިއަށް ގެންގޮސްފައެވެ. ސްކޫލްގެ ތިންބުރި އިމާރާތުގެ އިތުރުން ޒަމާނީ ފެންވަރުގެ ބަނދަރެއް ވެސް ވަނީ ތަރައްޤީކޮށް ނިންމާލާފައެވެ.
