ބޭންކް އޮފް މޯލްޑިވްސްގެ “ސްމޯލް ގްރާންޓް” ލިބިގެން ކިހާދޫ ޑިވެލޮޕްމަންޓް ސޮސައިޓީއިން ޒަމާނީ ދަނޑުވެރިކަމުގެ މަޝްރޫޢަކަަށް އިންވެސްޓުކޮށް، ގްރީންހައުސް އާއި ފެނުގައި ކަމްބާ އާއި ލެޓިއުސް ހެއްދޭނެ ފުރިހަމަ ނިޒާމާއެކު ތަރައްޤީކޮށްފިއެވެ.
މި މަޝްރޫޢުގެ ދަށުން އެމީހުން މުޑުވަށްކުރި ކަމްބާއިން އަލަތު ހާވެސްޓުކުރުމަށް ވަނީ ތައްޔާރުވެފައެވެ. ފެންނަ ފެނުމަށް ވެޔޮތައް ހެދިފައި ވަނީ އެއްވެސް ބައްޔެއް ނުޖެހި ވަރަށް ފުރިހަމަކޮށެވެ. އަދި ވަރަށް ފުރިހަމަ ކަމްބާތައް ހެވަށްވެފައި ހުރި މަންޒަރުތައް ފެންނަ ހިތްގައިމު ޕޮޓޯތައް ވަނީ ސޯޝަލް މީޑިޔާގައިި ޙިއްސާކޮށްފައެވެ.
ބިންކޮޅު ކުޑަ ދިވެހިރާއްޖޭގައި ދަނޑުވެރިކަން ތަރައްޤީކުރުމަށް ޒަމާނީ ވަޞީލަތްތައްް ބޭނުންކުރުމުގެ މުހިންމުކަމުގެ ވާހަކަތައް ތަޖުރިބާކާރުން ދައްކަމުން ގެންދާތާ ދުވަސްތަކެއް ވެއްޖެއެވެ. ނަމަވެސް އެއީ އަދި ޚަރަދު ބޮޑު ގޮތަކަށް ވާތީ ދަނޑުވެރިންނަށް އޭގެ އެންމެ ފުރިހަމަ ފަސޭހަ އާއިި ފައިދާ އަދި މަންފާ ހޯދޭނެ ގޮތެއް ނުފެނެއެވެ.
ބީއެމްއެލް ވެސް މިކަން ފާހަގަކުރަނީ ވަރަށް ބޮޑު ކާމިޔާބެއްގެ ގޮތުގައެވެ. އެހެނީ މި މަޝްރޫޢަށް މާލީ އެހީ ފޯރުކޮށްދީފައި ވަނީ އެ ބޭންކުގެ ފަރާތުންކަމަށް ވާތީއެވެ. މިއީ އެހެން ޖަމިއްޔާ ޖަމާޢަތްތަކަށް ވެސް ރަނގަޅު ނަމޫނާއަކަށް ވެގެންދާނެ މަޝްރޫޢެކެވެ.
