ށ. އަތޮޅުގައި ބާއްވާ އެންމެ ބޮޑު އަދި އެންމެ ފޯރިގަދަ ހޭންޑްބޯޅަ މުބާރާތްކަމަށްވާ މިލައުތުރު ހޭންޑްބޯޅަ މުބާރާތުގައި ފޯކައިދޫ ޓީމުން ކުޅު ދެވަނަ މެޗް ވެސް ބޮޑު ތަފާތަކުން ކާމިޔާބުކޮށްފިއެވެ.

ފުރަތަމަ ހާފުގައި ވަރަށް އެއްވަރު ކުޅުމެއް ފެނިގެންދިޔަ ފޯރިގަދަ މެޗުގައި ހާފްޓައިމް ނިމިގެންދިޔައީ 13 – 10 ގެ ކުޑަތަފާތަކުން ފޯކައިދޫ ކުރީގައި އޮވެގެންނެވެ. ދެ ޓީމުގެ ވެސް ގިނަ ސަޕޯޓަރުންނާއެކު ކުޅުނު ފޯރިގަދަ މެޗުގެ ދެވަނަ ހާފަށް ފޯކައިދޫ ނިކުތީ އިތުރު ހިތްވަރާއެކު ފަރަޤު ބޮޑުކޮށްލުމުގެ ރޭވުންތެރިކަމާ އެކުގައެވެ. ނަތީޖާއެއްގެ ގޮތުން ފުލު ފުލުގައި ބިލެތްފަހީ ގޯލް ފޫއަޅުވާލާ 22 ގޯލް ކާމިޔާބުކުރިއެވެ.

ފޯކައިދޫ ޓީމުން ބުނެފައި ވަނީ އެމީހުން ކޮންމެ މެޗެއް ވެސް ނަގާނީ ވަރަށް ސީރިއަސްކޮށް ކަމަށާއި، ސަޕޯޓަރުން މާޔޫސްވެދާނެ އެއްވެސް މަންޒަރެއް ފެންނަން ނޭދޭކަމަށާއި، އެމީހުންގެ އުންމީދަށް ވާޞިލުވާން މަސައްކަތްކުރާނެ ކަމަށެވެ.