ސަރުކާރަށް އަހަރެއް ވެގެން ބެރުޖަހާ މީހުން ބެރުޖަހަނީއެވެ. ލަނގިރިޖަހާ މީހުން މީހުން ލަނގިރިޖަހަނީއެވެ. ދުންމާރިފުމޭ މީހުން ދުންމާރި ފުމެނީއެވެ. ފުލެޓް ލިބޭ މީހުންގެ ލިސްޓު ތުރަވާގޮތެއް ނުވިއެވެ.
މާލޭގައި ބޯހިޔާވަހިކަމެއް ލިބޭނެކަމުގެ އިންތިޒާރުގައި ތިބި ރައްޔިތުންނަށް އެއްވެސް އުފަލެއް ނުލިބޭތާ، އުންމީދެއް ވެސް ނިލިބި 52 ހަފުތާ ނިމިގެންދިޔައީއެވެ. އަދި އެކަން ފާހަގަކުރަން މާލޭގެ ޢިޖުތިމާޢީ މަރުކަޒު ވަށައިގެން ކުލަބޮކި ދިއްލައި، ސަރުކާރުން ސިޔާސީ މުސާރައެއް ލިބޭހާ ބަޔަކު އެއްކޮށްގެން ވިޔަފާރިވެރިންނަށް ވެރިމީހާ އިންޒާރުތައް ވެސް ދެއްވައިފިއެވެ.
ބައެއް މީހުން ސިފަކުރާގޮތުގައި މިއީ އައު ކުކުޅަކަށް ގައު ބިހެއް އެޅިގެން އުޅޭ ސަރުކާރެކެވެ. މީހުންކޮޅެއް ތަނަކަށް އެއްވެލާއިރަށް ދުނިޔެ ރަންވާ ރައީސެކެވެ. ޙަޔާތުގައި ދުވަހަކު ކަމެއް ހެޔޮ ނިޔަތުގައި ކޮށްފައި އޮތްކަމެއް ނެތްތާ ހެދިހާ ދޮގެއް ފަޅާއަރައިފިއެވެ.
އިޚުލާޞްތެރިކަމެއް ނެތްތާ މަކަރާ ޔަހޫއްޖާ ފަސާދަ ނޫން އެެއްޗެއް ފެންނާކަށް ނެތެވެ. ކުރާނަމޭ ވިދާޅުވި އެެއްވެސް ކަމެއް ނުކުރައްވައެވެ. ނުކުރާނަމޭ ވިދާޅުވިހާ ކަމެއް ކޮށް ނިންމާލައިފިއެވެ. ރައްޔިތުން އިންތިހާއަށް ނުރުހުންވެފައި ތިއްބާ ރައްޔިތުންގެ ބޮލުގައި ތެތްގޯނި އެޅުވުން ނޫން ރާސްތާއެއް އިޚުތިޔާރެއް ނުކުރެއްވިއެވެ.
މިއީ ހަމަ ކާމިޔާބު އެއް އަހަރުތޯއެވެ.
