މިފަހަކަށް އައިސް ރާއްޖެއަށް ލިބޭ އެކިއެކި ކާމިޔާބީތަކާއި، ނިމޭ މަޝްރޫޢުތައް ފާހަގަކުރުމުގެ ގޮތުން ބާއްވާ ޙަފުލާތަކުގެ އައިބުކަން އިތުރުވެ، މީހުންގެ ފޮށުންތައް ގިނަވާން ފަށައިފިއެވެ.
ރާއްޖެއަށް 5 ވަނަ އަހަރަށް ވޯލްޑް ލީޑިންގ ޑެސްޓިނޭޝަން އެވޯޑު ލިބުމުން ވެލާނާ އިންޓަރނޭޝަނަލް އެއާޕޯޓުގައި ރިބަން ކެނޑުމަކީ އެފަދަ ޙަފުލާއެކެވެ.
ހަމަ އެގޮތަށް ދަރުމަވަންތަ ހޮސްޕިޓަލު އަލުން ހުޅުވުމާއި، ހުޅުމާލާ ހޮސްޕިޓަލް އަލުން ހުޅުވުމަކީ ވެސް ހަމަ އެފަދަ ކަންކަމުގެ ގޮތުގައި ގިނަ ބަޔަކު ފާހަގަކުރަން ފަށައިފިއެވެ.
ބައެއް މީހުން މިފަދަ ކަންކަމަށް ޖޯކުޖަހަމުން ބުނެފައިވަނީ ވެލާނާ އިންޓަރނޭޝަނަލް އެއާޕޯޓު ވެސް އަލުން ހުޅުވީ ކަމަށާއި، ވޭތުވެދިޔަ އަހަރު ދުވަހުގެ ތެރޭގައި އައުތަނެއް އިފުތިތާޙު ކޮށްފައިނުވާކަމަށެވެ.
