ޢުމުރުން 15 އަހަރުގެ ހިތްވަރުގަދަ މުޙައްމަދު މަފާޒު މަޢުޞޫމް އަކީ ހަތް މަހުން ފެށިގެން ކެރެޓް ކޯނިއާ ބަލި ތަޙައްމުލު ކުރަމުންދާ ކުއްޖެކެވެ. މި ބައްޔަކީ ލޮލުގެ ފެނުމަށް އަސަރު ކުރާ ބައްޔަކަށްވުމުން މަފާޒަށް ވަނީ އެކަމުގެ ތަކުލީފުތައް ތަޙައްމަލުކުރަން ޖެހިފައެވެ.
އޭނާގެ ފެނުން އަނބުރާ އިޔާދަކުރުމަށްޓަކައި މިހާތަނަށް 29 ފަހަރެއްގެ މަތިން އިންޑިއާއަށް ދަތުރުކޮށް، 17 ފަހަރު އޮޕަރޭޝަން ކޮށްފަައިވެއެވެ. މިހާރު އޭނާގެ ކަނާތު ލޮލުގައި %50 އަދި ވާތު ލޮލުގައި %71 ފެނުން ހުރި އިރު މަފާޒް ގެ ލޮލުގެ ފެނުން އިތުރަށް ދަށްވިޔަ ނުދިނުމަށްޓަކައި ޚާއްސަ އޮޕަރޭޝަނެއް ކުރުމަށް ޑޮކްޓަރުން ލަފާދީފައި ވެއެވެ. އަދި އެ އޮޕަރޭޝަން ކުރެވެނީ ރާއްޖެއިން ބޭރުންކަމަށް ވާތީ، ގާތްގަނޑަކަށް 267،000 ރުފިޔާ (15،700 ޑޮލަރު) ޚަރަދުވާނެ ކަމަށް އަންދާޒާކުރެވެއެވެ.
އަދި ކޮންމެ ފަހަރަކުވެސް އާންމުގެ ދީލަތި އެހީ ލިބޭކަން ފާހަގަކޮށް، އެ ފަރާތްތަކަށް މަފާޒުގެ މަންމަ އާއި ބައްޕަ ޝުކުރު އަދާކުރައްވައެވެ. މަފާޒަށް އެހީތެރިވުމަށް ފައިސާއެއް ދެއްވަން ބޭނުންފުޅުވާ ފަރާތްތަކުން އޭނާގެ ބައްޕަ މައުސޫމް ޙަސަންގެ ބީއެމްއެލް ރުފިޔާ އެކައުންޓް ނަންބަރ:7712216293101 ނުވަތަ ޑޮލަރު އެކައުންޓް ނަންބަރ: 7730000435922 އަށް ޓްރާންސްފަރ ކުރެއްވުމަށް އެދިލައްވައެވެ. އަދި އިތުރު މައުލޫމާތު ހޯއްދެވުމަަށް:7798697 މައުސޫމް ހަސަން (މަފާޒުގެ ބައްޕަ) އަށް ގުޅުއްވުމަށް ވެސް އާއިލާގެ ފަރާތުން އެދިލައްވައެވެ.
