ކަދުރުގެ ތާސީރު ބޭނުންކޮށްގެން ދުނިޔޭގައި އަލަށް އުފެއްދި ސޮފްޓް ޑުރިންކެއް ކަމަށްވާ “މީލާފް ކޯލާ” ސައުދީ އަރަބިޔާއިން މިއަދު ބާޒާރަށް ނެރެފިއެވެ. ކޮކާ ކޯލާ ނޫންގޮތެއް ހޯދާން ވެއްޖެކަމަށް ގޮވަމުންދާ ދަނޑިވަޅެއްގައި މި ބުއިން ބާޒާރަށް ނެރުމުން ބޮޑު ތަރުޙީބެއް ލެބުން އަންނަ ކަމަށް ޚަބަރުތައް ލިބެއެވެ.
މިއީ ސައުދީ އަރަބިޔާގެ ޕަބްލިކް އިންވެސްޓްމަންޓް ފަންޑުގެ ސަބްސިޑަރީ ކުންފުންޏެއް ކަމަށްވާ ތުރާޘު އަލް-މަދީނާއިން އުފައްދާފައިވާ ޕްރޮޑަކްޓެކެވެ. ތިމާވެއްޓާ ރަޙްމަތްތެރި އަމިއްލަ އުފެއްދުންތައް އީޖާދުކޮށް ބާޒާރަށް ނެރެ، ޕްރޮމޯޓުކުރުމަށް ކަނޑައަޅުއްވާފައިވާ ތަޞައްވުރުގެ ދަށުން އުފެއްދި މި ކޯލާ އަކީ ޞިއްޙީގޮތުން ރައްކާތެރި މީރު ބުއިމެކެވެ.
މީލާފް ކޯލާ ރަސްމީކޮށް ބާޒާރަށް ނެރުނުކަން އިޢުލާނުކުރީ ރިޔާދުގެ ކަދުރު ފެސްޓިލްގައެެވެ. މިކަމަށްޓަކައި ބޭއްވި ޚާއްޞަ އިވެންޓްގައި ސައުދީގެ ދަނޑުވެރިކަމާބެހޭ ވަޒީރު ޢަބްދުއްރަޙްމާން އަލް-ފަދްލީ އިތުރުން ތުރާޘު އަލް-މަދީނާގެ ސީއީއޯ ބައިވެރިވެފައި ވެއެވެ.
މި ޕްރޮޑަކްޓް އުފެއްދި ސައުދީގެ ކުންފުނިން ބުނިގޮތުގައި މިއީ މިވަގުތު ބާޒާރުގައި ވެސް ހުންނާނެ ހަށިގަނޑަށް ފައިދާކުރަނިވި ހަމައެކަނި ސޮޕްޓް ޑްރިންކުކަމަށާއި، މަޤްބޫލުކަން ލިބި މުޅި ޞިނާޢަތަށް ބަދީލީ ބަދަލަކުން ބޮޑު އިންޤިލާބެއް އަންނާނެކަމަށެވެ.
