ދިވެހި މަސްކެޔޮޅުންނާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ބައްދަލުކުރައްވައި، އެމީހުންގެ ކަންބޮޑުވުންތައް އޮޅުންފިލުއްވައި، ޝަކުވާތައް އަޑުއައްސަވައިފިއެވެ.
މި ބައްދަލުކުރެއްވުން އޮތީ މިއަދު ހެނދުނު ރައީސުލްޖުމްހޫރިއްޔާގެ އޮފީހުގައެވެ. މި ބައްދަލުކުރެއްވުމުގައި ކެއުޅުން ވަނީ މަސްވެރިކަމުގެ ސިނާޢަތުގައި ރަނގަޅުކުރުމަށް ބޭނުންވާ ކަންކަން ރައީސުލްޖުމްހޫރިއްޔާ އާއި ޙިއްޞާކޮށްފައެވެ. އެގޮތުން މަސްވެރިކަމުގެ ސިނާޢަތުގައި މިހާރު ހުރި ކަންބޮޑުވުންތަކުގެ ތަފުޞީލުތައް ރައީސް އާއި ޙިއްސާކޮށްފައި ވެއެވެ.
ކެޔޮޅުން ފާހަގަކުރި މައްސަލަތަކުގެ ތެރޭގައި، މަހުގެ އަގު ދަށްކަމާއި، ފައިސާއާއި ތެޔޮ ލިބުމުގައި ހުރި ދަތިތަކާއި، މަސްކިރުމުގައި ހުރި ގޮންޖެހުންތައް ޙިއްޞާކުރި ކަމަށް ރައީސް އޮފީހުން މަޢުލޫމާތު ދެއެވެ. އަދި ރައީސްގެ ރިޔާސީ ވަޢުދުފުޅާ އެއްގޮތަށް މަސްވެރިކަމުގެ ސިނާޢަތް ކުރިއެރުވުމަށް ކުރައްވާ މަސައްކަތްތައް ކުރިއަށްގެންދިއުމަށް ކެއުޅުން އެދިފައިވެއެވެ.
