ގޯލްޑް ކަޕުގައި ކ. މާފުއްޓާ ދެކޮޅަށް ބ. އޭދަފުށި ކުޅުނު މެޗުގައި، އެތައް ބަޔަކަށް ސިހުން ލިބުނު ނުރައްކާތެރި ފައުލް ކުރި އޭދަފުށީގެ ގޯލްކީޕަރު އަލީ އަޖްފާން އަމްޖަދު އެއް އަހަރު ދުވަހުގެ ދިގު މުއްދަތަކަށް ސަސްޕެންޑް ކޮށްފިއެވެ.

ޑިސިޕްލިނަރީ ކޮމިޓީން މައްސަލަ ނިންމުމަށް ފަހު، އޭދަފުށީގެ ޓީމަށް ފޮނުވި ސިޓީގައި ބުނެފައި ވަނީ އަޖްފާން ކޮށްފައިވާ ފައުލަކީ ”ވައިލަންޓް ކޮންޑަންޓް“ ގިންތިއަށް ފެތޭ ނުރައްކާތެރި ފައުލެއް ކަމަށެވެ.

އަޖްފާންގެ އަދަބެއްގެ ގޮތުން ނައިންޓީ ޕްލަސްއިން ރާވާ ހިންގާ އެއްވެސް މުބާރާތެއްގައި އެއް އަހަރު ނުވަނީ ދެން ބައިވެރި ނުވެވޭގޮތަށް ސަސްޕެންޑް ކުރަން ނިންމިކަން ވަނީ މިހާރު ލިޔުމުން އަންގާފައެވެ.

އަދި ސަސްޕެންޝަންގެ އިތުރުން އެ ފައުލުގެ އަދަދެއްބެ ގޮތުން، 5،000ރ. އިން ޖޫރިމަނާކުރުމަށް ވެސް ނިންމާފައިވާ ކަމަށް ޑިސިޕްލިނަރީ ކޮމިޓީން ފޮނުވި ސިޓީގައި ބުނެފައިވެއެވެ.