މިލައުތުރު

ގޯލްޑް ކަޕް: ކުރެންދޫއާއި މާލެ ސިޓީގެ މެޗުގައި މާލޭގެ ރަޖިސްޓްރީގައި ނެތް 2 ކުޅުންތެރިން ކުޅުނު މައްސަލައެއް ފެންމަތިވެއްޖެ.

ދިވެހިރާއްޖޭގައި ފުޓްބޯޅައިގެ ފޯރި އަލުން ދިރުވާ އާލާކުރުމުގެ އަމާޒުގައި މުޅި ރާއްޖެއަށް ހުޅުވާލައިގެން ބާއްވާ 90 ޕްލަސް ގޯލްޑް ކަޕް 2024 ގެ ދެވަނަ ބުރުގައި ޅ. ކުރެންދޫ ބަލިކޮށް، މުބާރާތުގެ ކުއާޓާ ފައިނަލުގެ ޖާގަ މާލެ ސިޓީން ކަށަވަރުކޮށްފައި ވަނިކޮށް، އެ މެޗުގައި މާލޭގެ ރަޖިސްޓްރީގައި ނެތް 2 ކުޅުންތެރިން މާލޭ ސިޓީއަށް ކުޅުނު ކަމުގެ މައްސަލައެއް ފެންމަތިވެއްޖެއެވެ.

މާލެ ސިޓީ އާއި ކުރެންދޫ ބައްދަލުކުރި މެޗުގައި ދ. ހުޅުދެލީގެ ރަޖިސްޓްރީގައި އޮތް 2 ކުޅުންތެރީން މާލޭ ސިޓީގެ ޓީމަށް ކުޅުވި މައްސަލަ މިހާރުވަނީ ޅ. ކުރެންދޫ ކައުންސިލުގެ ފަރާތުން ވެސް މުބާރާތް އިންތިޒާމު ކުރާ ފަރާތަށް ރަސްމީކޮށް ހުށަހަޅާފައެވެ. މި މައްސަލަ ފެންމަތިވެފައިވާ އިރު، ފުޓްބޯޅައިގެ ފޯރި އަލުން ގަދަކުރުމުގެ އަމާޒުގައި މުޅި ރާއްޖެއަށް ހުޅުވާލައިގެން ބާއްވާ 90 ޕްލަސް ގޯލްޑް ކަޕް 2024 ގެ ދެވަނަ ބުރުގައި ކުއާޓާ ފައިނަލުގެ ޖާގައެއް ވަނީ މާލެ ސިޓީއަށް ލިބިފައެވެ.

ގަލޮޅު ރަސްމީ ދަނޑުގައި ބުރާސްފަތި ދުވަހުގެ ރޭ ކުޅުނު ގްރޫޕް އެޗްގެ މެޗު މާލެ ސިޓީން ކާމިޔާބުކޮށްފައިވަނީ 1-0 ގެ ނަތީޖާއަކުންނެވެ. އެ މެޗުގައި ދެ ޓީމުގެ ފަރާތުން ހަމަހަމަ ކުޅުމެއް ފެނިގެންދިޔައިރު، މާލެ ސިޓީން ލީޑު ނަގާފައިވަނީ ދެވަނަ ހާފުގައެވެ.

މި މައްސަލައިގާ މުބާރާތް އިންތިޒާމުކުރާ ފަރާތުން ނިންމާ ގޮތެއްގެ އިންތިޒާރުގައި ކުރެންދޫ ޓީމުގެ ކުޅުންތެރިންނާ ރައްޔިތުން ތިބިކަމަށާއި، އިންސާފު ލިބޭނެކަމަށް އެމީހުން ޤަބޫލުކުރާ ކަމަށެވެ.