ރ. އަލިފުށި ބަލިކޮށް އައްޑޫ ސިޓީން ފައިނަލަށް ދަތުރު ކޮށްފިއެވެ. އައްޑޫ ސިޓީ ފައިނަލަށް ގޮސްފައިވަނީ ކުޅުނު އެއްވެސް މެޗަކުން ބަލިނުވެއެވެ.
ވަރުގަދަ ޓީމެއްގެ ގޮތުގައި ފެނުނު ރ. އަލިފުށީގެ މައްޗަށް އައްޑޫ ސިޓީން މެޗް ކާމިޔާބުކުރީ 2 – 0 ލަނޑުން ކުރި ހޯދައިގެންނެވެ. މުބާރާތުގައި އެއްވެސް މެޗަކުން ބަލިނުވެ އޮތް ހަމައެކަނި ޓީމަކީ ވެސް އައްޑޫ އެވެ. ފައިނަލުގައި އައްޑޫން ބައްދަލުކުރާނީ ނަން މަޝްހޫރު އޭދަފުށި ޓީމާއެވެ.
ފައިނަލަށް އައްޑޫ ގެންދަން ފުރަތަމަ ލަނޑު ޖެހީ ދެވަނަ ހާފުގައި ތަޖުރިބާކާރު ކުޅުންތެރިޔާ ޝަމްވީލް ގާސިމް (ބޮންޑާ) އެވެ. އައްޑޫގެ ދެވަނަ ލަނޑު ޖެހީ މަހްދީ ހުސައިން (ފޭދޫ އިއްބެ) އެވެ.
